Saıasat sardary

Arǵy dáýirde jarqyn bolashaqtyń saǵynyshymen ómir boıy kúresip ótken uly babalarymyzdyń aq batasy, berisinde talaı qandy kezeńderdi kesh¬ken súıegi asyl atalarymyzdyń tilegi qabyl bolǵanyna bárimiz kýá boldyq. Deı turǵanymen, uly tarıhymyzdan búginge urandatyp jetken elimizdiń kıesi, jerimizdiń ıesi - «Qazaq» deıtin ulttyń bolashaǵy qalaı bolady?» dep aqtańger aqyn Súıinbaı jyrlaǵandaı, «Qazaq qazaq bolǵaly, Qazaq atqa qonǵaly, Ne kórmedi bul elim?» dep alańdadyq. Sondyqtan «Eńseli el bolamyz ba?» degen máńgilik saýalǵa jaýap izdedik.
Mine, osyndaı sheshýshi kezeńde halqymyz amanattaǵan, ushqan qustyń qanaty talyp, júgirgen ańnyń tuıaǵy tozatyn keń baıtaq Uly dala eli - Qazaqstan Respýblıkasyna Prezıdent bolyp saılanǵan Elbasy Nursultan Nazarbaevtyń: «Táýelsizdiktiń bizdiń bárimizge artar mindeti mol. Endi eńseli el bolýdyń jolyna shyndap túsýimiz kerek. Áýletimizdiń asýy da, dáýleti-mizdiń tasýy da óz qolymyzda» dep barshamyzǵa jaýapkershilikti sezindirgeni esimizde. Eki tarıhı kezeńniń toǵysar tusynda senim men úmit arqalaǵan Elbasymyz áý basta keýdede qııal bolyp uıalaǵan, kórkem sóz bolyp kómekeıde bulbulsha saıraǵan Táýelsizdiktiń uǵymyn - ulttyq sanaǵa, Azattyq uranyn - eldik tirshilikke aınal¬dyrdy. Asqan tabandylyqpen elimizdi asqar asýlar men bıik belesterden asyryp, memlekettik kemel keleshegin qamtamasyz etetin álemdik deńgeıdegi sharýalarǵa batyl kiristi.
Ultymyzdyń eń uly baılyǵy sanalatyn - el Táýelsizdiginiń 25 jyldyǵynda sanamyzǵa aldymen uly babala¬rymyzdyń esimderi oralatyny aqıqat. Kemeńger ata-babalarymyzdyń aıtqan aqıqatyn, salǵan ánin, jyrla¬ǵan tolǵaýyn, amanttaǵan uly jaýap¬kershiligin sol qalpynda, qaımaǵy bu-zylmaǵan kúıde saqtap jetkizgen ákelerimiz ben aǵalarymyzdyń attary esimizden shyǵýy múmkin emes. Synǵa túsken osynaý ótpeli kezeńniń almaǵaıyp jyldary ishinde erlik pen el¬dikti, bereke men birlikti, sabyr men salmaqty, namys pen jigerdi tý etken keshegi men búgingi kúnniń memleket jáne qoǵam qaıratkerlerin, zııaly qaýym ókilderin, aqyn-jazýshylaryn qalaı umytamyz. Ǵalamdyq bastama kótergen Elbasymyzdyń Qazaqstan damýynyń jańa jolyn salyp, tipti sol damý úrdisiniń zamanaýı úlgisin qa¬lyptastyryp, Táýelsizdigimizdi resmı túrde negizdeıtin memlekettik atrıbýttardy júzege asyrǵanyn qalaı joq¬qa shyǵaramyz?
Qazaqstan Prezıdenti Nursultan Nazarbaevtyń batyl bastamalaryn, ıgilikti arqaý etken ıdeıalaryn óz za¬mandastary men dostary, izbasarlary men shákirtteri árdaıym qasynan ta¬bylyp qoldap otyrdy. Memlekettiliktiń irgesin qalap, Táýelsizdiktiń tuǵyryn beký eń kúrdeli ulttyq mıssııa, eń jaýapty mindet ekeni o bastan belgili-tuǵyn. Sondyqtan ultjandylyqpen, otansúıgishtikpen qatar keletin qa¬jyrly eńbek, sarqylmas qaırat jáne qaıtpas qaısar minez talap etildi. Áıtpese eki ǵasyrdyń toǵysynda turyp, jaraly jolbarystaı jıyrylyp, «uzynda óshin, qysqada kegin» kimnen alaryn bilmeı, sol bir alasapyran ke¬zeńde birese ishten, birese syrttan jaý izdegen eldi aman qaldyrý qıynnyń qıyny bolatyn. Sondyqtan memle¬kettiń tizginin ustaǵan Elbasymyzben birge el tarıhynda, ult jadysynda qa¬latyn asqar aǵalarymyzdyń, zańǵar zamandastarymyzdyń asqan patrıo¬tızm¬men jandaryn aıamaı qyzmet et¬keni ańyz emes aqıqat. Halyq taǵdyry tarazyǵa túsken shaqta ult Kóshbasshysynyń sózin jerge tastamaı, kúr¬meýi kúrdeli de ómirsheń máselelerdiń sheshimin taýyp, ózderine tapsyrylǵan uly mindettiń ystyǵyna kúıip, sýyǵyna tońyp otyrdy.
Azattyqtyń araıly aq tańy ózi-men-ózi atpaǵandaı, Táýelsizdiktiń tuǵyry da ózimen-ózi bekı túspeıdi. Ege¬men elimiz talaı synǵa túsken shırek dáýirdiń árbir kúni aıǵa, árbir aptasy jylǵa, árbir jyly ǵasyrǵa bergisiz jetistikke qol jetkizgeni sózsiz. Osyn¬daı jemisti de jeńisti qyzmettiń atqarylatynyna kámil sengen halqymyz alysty boljaı biletin kemeńger Kóshbasshymyzǵa úmit artyp, el taǵdyryn tapsyrdy. Ulttyń úmitin, halyqtyń senimin aqtaǵan eren Elbasymyz da úzeńgiles dostaryna, qyzmettes áriptesterine jáne izin basyp kele jatqan el azamattaryna senim bildirdi. Búgin de ultjandylyǵymen, eljandylyǵymen, qarym-qabiletimen erekshelengen el azamattary, memleket qaıratkerleri ultymyzdy uıatqa qaldyrmaı, kerisinshe, elimizdiń eńsesin kóteretin zil-batpan sharýalardy uıymdastyryp, adal qyzmet etip keledi.
Myńjyldyqtyń shırek ǵasyrynda, táýelsizdik jyldarynyń ishinde taǵylymy mol ınstıtýttyń qalyptasqany jasyryn emes. Jer betinde qazaq demokratııasynyń úlgisi jasaldy. «Qazaqstandyq jol» dep atalatyn memlekettiliktiń, eldiktiń damýyna serpin beretin, ózindik júıesi bar, tár¬tibi bar dara da sara jol salyndy. ıAǵnı «Nazarbaev mektebi» deıtin memle¬ketke adal qyzmet etýdiń, Baýyrjan Momyshuly aıtqandaı, «elim dep ezilip, jurtym dep jumylyp» eńbek etýdiń, ultty uıystyrý, eldi eldestirý jo¬lyn¬da shyn peıilmen, yjdahattylyqpen jumys isteýdiń úlgisin úıretetin, qandaı qıyndyq bolsyn sol qıyndyqty eńserip, kúder úzbeı, eńse túsirmeı, el¬diń aldyna qoıǵan maqsatqa jetýdiń ónegesin kórsetetin memlekettik, qoǵamdyq, tipti jalpyhalyqtyq júıe qalyptasyp úlgerdi. Osy mektepten talaı-talaı qarymdy da qajyrly qaıratkerler túlep shyqty. El men jerdiń tizginin ustaǵan bir býyn, tipti kóz aldymyzda Máńgilik eldiń kók baıraǵyn máńgi baqı jelbiretetin sanaly urpaq ósti.
«Shyndyq - kóp, aqıqat - jalǵyz» degen kókiregi oıaý batyrlarymyz. Sol mektepten túlep shyǵyp, kóp «shyndyqtyń» biri emes, biregeı «aqıqatqa» aınalyp úlgergen, aqyl-parasatymen talaıdy tańǵaldyryp, qaıratkerlik rýhymen talaı isti sózsiz tyńdyrǵan, eldi eldestirip jurtty daýsyz jaqyndastyrǵan - Qazaqstannyń memleket qaıratkeri, Tótenshe jáne ókiletti elshisi, mınıstr Qanat Bekmyrzauly Saýdabaev.
Qanat Bekmyrzaulynyń ónegeli ómiri halyqtyń kóz aldynda ótti. Ol eńbek jolyn M.Áýezov atyndaǵy Mem¬lekettik akademııalyq drama teatrynda rejısserlikten bastap, aǵa jasyna jetkenge deıin úsh birdeı úlken mı-nıstrlikti basqardy. Bizdiń aıtyp otyrǵanymyz álgi solaqaı saıasattyń qany tamyp turǵan kezi bolatyn. Teatr¬ǵa kelgen jyly, ıaǵnı 1968 jyly - Elýbaı Ómirzaqov, Serke Qojamqulov, Qapan Badyrov, Sabıra Maıqanova, Bıken Rımova, Hadısha Bókeeva syndy korıfeıler men Asanáli Áshimov, Zám¬zagúl Sháripova, Torǵyn Tasybekova, Ánýar Moldabekov, Ydyrys Noǵaıbaev, Farıda Sháripova syndy sol kezdegi jas talanttardyń ónerdi órge súıregen altyn shaǵy edi. Qanat Bekmyrzauly qazaq óneriniń shoq juldyzdarymen qoıan-qoltyq aralasyp, mádenıet pen ádebıettiń, teatr óneriniń qazyna-baı¬lyǵymen, adamdyq bolmys qasıetimen, adamgershilikpen jaqynnan tanysqanyn jasyrmaıdy. Osy ómirlik bas¬tama, tirshiliktiń tar da taıǵaq soqpaǵyna jasaǵan alǵashqy qadamy, ǵumyr týdyrǵan shyǵarmashylyq jolynyń kıesi ony talaı bıikterge shyǵarǵany sózsiz. Qazaqstannyń Halyq Qaharmany Ázerbaıjan Mámbetov sol bir sáýleli kezeńdi eske alǵanda:
- Qanat jas bolǵanyna qaramaı, qazaq teatrynyń shoqjuldyzdardyń ishinde júrip, esinen tanǵan joq. Ke¬ri¬sinshe, ol bárimen jaqsy aralasty. Ásirese, Asanáli Áshimov jáne Serke Qojamqulovpen dostyq qarym-qatynasta boldy. Ol spektaklge Ser-aǵamen uzaq daıyndalatyn. Sonda Ser-aǵa Qanatty qaıta-qaıta «Moı Tovstonogov» dep erkeletetin, - deıdi.
Ol memlekettik kınematografııa komıtetiniń tóraǵasy bolǵan jyldary qazaq kınosy ájepteýir tabystarǵa jetti. Sol kezde qazaq kınosyna úr¬kerdeı bolyp bir top talant keldi. Búginde sol shyǵarmashylyq kóshti bastap, qazaq kınosynyń aýyr júgin kótergen talanttarymyz eldiń maqtanyshyna aınaldy. Qazaqtyń kórnekti jazýshysy Baqqoja Muqaı óziniń esteliginde sol jyldardy tebirenispen eske alyp jazady:
«1983 jyly Oljas Súleımenov Jazýshylar odaǵyna birinshi hatshy bolyp saılandy da, onyń ornyna tóraǵa bolyp Qanat Saýdabaev bekitildi. Jańa basshynyń isti jańasha bastaıtyny belgili ǵoı. Bul biraz adamǵa unamaıdy. Olar Oljekeńe júgiredi. Qaıratker Qanat aqyn Oljasty tyńdaı qoımaıdy. Qanat inisine renjigen Ol¬jeke birde Dımash Ahmetulyna ókpesin aıtady.
- Erteń saǵat toǵyzda Dımash Ahmetulynyń qabyldaýyna kel! - dep telefon soǵady úlken kisiniń kómekshisi Dúısetaı Bekejanov. Tótenshe jaǵdaı bolmasa úlken kisiniń shaqyr¬maıtynyn biletin Qanat bir qaýipti sezedi. Barlyq máseleni bilip otyratyn Dúısetaı Bekejanovtan syr tartyp kóredi.
- Keshe Oljas kirgen, - deıdi ol. Máseleniń baıybyna barýǵa osy habar jetip jatyr edi. Ertesine ony Dımash Ahmetuly salqyn qarsy alady.
- Sen barmaı jatyp, ózimbi¬ler¬mendikke salynyp ketken sııaqtysyń. Eshkimmen aqyldaspaıtyn kórinesiń ǵoı, - deıdi Dımekeń.
- Dımash Ahmetuly, ol salany ma¬ǵan senip tapsyrdyńyz. Qazaq kınosynyń taǵdyryna men basymmen jaýap beremin. Men bireýdiń qaltasyndaǵy mınıstr (karmannyı mınıstr) bolǵym kelmeıdi, - deıdi Qanat. Myna sózdi estigen Dımekeńniń qabaǵy jadyrap, qarqyldap kúlip jibergen eken».
Qaıratker Qanat Bekmyrzauly aqyn Oljas Súılemenovtiń jaqyn dosy ekeni qalyń oqyrman qaýymǵa belgili. Talaı memlekettik qyzmet baspaldaqtarynda joldary qosyldy. Ekeýi de álemniń bıik minbelerinen sóz sóılep, «Qazaqstan» dep atalatyn memlekettiń múddesin qorǵady. Oljas Súleımenov «Kóp jasa, Qanatjan!» dep Qanat Bekmyrzaulyna sonaý Pa¬rıjden dostyq iltıpatyn jetkizip, basylymnyń bir betine suhbat berdi. Qanat Saýdabaev ta odan qalys qalmady. Aqyn Oljas, qaıratker Oljas týraly estelikter jazyp, qalam ter-betti. Osy máńgi dostyqtyń mádenıet pen óner salasynan bastaý alatyny shyndyq.
Ádette qazaq kınosynyń jańa tol¬qynynyń Sergeı Solovev pen Oljas Súleımenovtiń attarymen baıla¬nys¬tyrady, degenmen, ataqty kınore¬jıs-serlerdiń barlyǵy Qanat Saýdabaev esimin sol talanttarmen qatar atap otyrady. Óıtkeni qazaq kınolabora¬torııasyn qalyptastyrý ıdeıasy Oljas Súleımenovke tıesili bolsa, ol ıdeıany júzege asyrǵan shúbásiz Qanat Saýdabaev edi. Sondyqtan ol kınema¬tografııa salasynyń damýyna erekshe úles qosty. Talaı talanttardyń kózin, jas rejısserlerdiń jolyn ashty. Ásili, talanttyń kózin ashý bulaqtyń kózin ashýymen birdeı. Shyntýaıtynda, oǵan da talant kerek emes pe? Aıtqa¬nynan qaıtpaıtyn qaısar minezimen ol qazaq kınosyna jańa serpin berdi. Imperııanyń kúıreý tusynda turyp, qarjylyq qıyndyqqa qaramaı tú¬sirgen «Igla», «Otyrardyń kúıreýi» syndy fılmderi kıno kókjıegin keńeıtkeni málim.
Qanat Bekmyrzauly Mádenıet mınıstriniń orynbasary bolyp istegen jyldary dramatýrgııaǵa bir top jańa esim keldi, jańa lep esti. Qazaqstan teatrlarynda serpilis bastalǵan-dy. Sol kezde de ónerge degen janashyr kóńildiń tazalyǵyn, asqan adaldyǵyn kórsetti. Mádenıet jónindegi memle¬kettik komıtetke tóraǵa bolyp beki¬tilgen kezinde tarap ketken redak¬tsııa¬lyq-repertýarlyq kollegııany qaıta¬dan qalpyna keltirgeni esimizde. Teatr-tanýshylar men dramatýrgtar¬-dyń basyn qosyp jıyndar ótkizip, naqty sharalar belgiledi. Ol qashanda tynymsyz eńbek etti. Sultanmahmut Toraıǵyrovtyń sózimen aıtqanda, «Qazaq úshin júrek maıyn sham qyl¬-dy». Birde jumysqa qulqy joq árip¬tesine búı degen eken: «Bul jumysty biz istemegende kim isteıdi? Álibek Dinishev sııaqty ánshi bola almaımyz. Bolat Aıýhanov sııaqty bıleı almaı¬myz. Biz sııaqty mádenıettiń qara ju¬mysyn isteıtin bireý kerek qoı». Mı¬nıstrlikte jaýapty qyzmetti atqaryp otyrǵanda respýblıka boıynsha bir¬neshe teatr ashyldy, «Otyrar sazy», «Sazgen» syndy shyǵarmashylyq top¬tar quryldy, Álibek Dinishev, Roza Rymbaeva, Tımýr Myńbaev, Ramazan Bapov syndy óner juldyzdary ha¬lyqaralyq konkýrstarda laýreat atandy.
Bárimiz biletin Qanat Bekmyrzauly tek qana ózi basqaratyn salanyń sheńberinde qalyp qoımaı, respýblıkanyń memlekettik jáne qoǵamdyq ómirine belsene aralasatyn. Táýelsizdiktiń tańy atqanda qalaı shıraq qımyldaǵanyn, mınıstrliktiń qat-qabat ju¬mysynan qoly tımeı jatyp, respýblıka ómirindegi ártúrli sharýalarǵa ara¬lasyp, tynym tappaı qyzmet etti. Óıtkeni ol Táýelsizdiktiń qanshalyq¬ty qymbat ekenin, el úshin, ult úshin baılyq ekenin bildi. Árıne, ol esh ýaqytta qol qýsyryp qarap otyra almaıdy. Árqashan ózine jumys taýyp alady. Basqalardyń da qarap otyrǵanyn qalamaıdy. Bir kúni onyń jaqyn dosy jazýshy Baqqoja Muqaıǵa aıtqany bar: «Biz qazaq eliniń táýelsizdigin ómir boıy ańsadyq, ata-babamyz ar¬mandap ótti dúnıeden. Ol jańa týǵan náreste sııaqty. Eki aıaǵyna tik turyp, júrip ketkenshe týǵan balasyn aıala¬ǵan anadaı bolýymyz kerek emes pe?!» Mine, onyń osy tynymsyz talpynysy, jarqyn bolashaqqa degen ımandaı se¬nimi óz aldyna talaı mindetter qoıyp otyrdy.
Memlekettik basqarý isinde táji¬rıbesi mol Qanat Bekmyrzaulynyń qa¬shan da Elbasy Nursultan Ábishuly¬-na adal ekenin bárimiz jaqsy bilemiz. Ol Qazaqstan Prezıdentiniń Jarlyǵymen Túrkııaǵa taǵaıyndalǵan Qazaq¬stannyń tuńǵysh Tótenshe jáne óki¬letti elshisi boldy. Al odan buryn M.Gor¬bachevtyń taǵaıyndaǵan eń sońǵy elshisi bolǵanyn bireý bilse, bireý bile bermeıdi. Keńes Odaǵy kezinde Más¬keýde Qazaqstannyń Turaqty ókildigi bolǵan. Imperııanyń sońǵy kezeńinde ári ókil bolyp, keıingi ke¬zeńde elshi bolǵan - bizdiń Qanat Saýdabaev. Ol Túrkııaǵa tuńǵysh elshi bolyp taǵaıyndalǵan tusynda da Túr-kııa táýelsiz Qazaqstandy birinshi bo¬lyp moıyndady, onyń álemdik keńis¬tikten zańdy ornyn alýyna qoldaý kór¬setti. Eki arada ǵasyrlar boıy ja¬bylǵan jol qaıta ashylyp, altyn kópir salyndy. Saıası-ekonomıkalyq, mádenı jáne qoǵamdyq baılanys órken jaıdy. Barys-kelis kóbeıdi. Eki el arasyndaǵy jol qysqardy. Elbasymyzdyń alǵashqy kúnnen bastap túrik basshylarymen baýyrmaldyq úlgidegi qarym-qatynas qurýynyń arqasynda jáne osy ba¬ý-yrmaldyq aralastyqtyń damýyna Qanat Bekmyrzaulynyń sińirgen eńbegi men qosqan zor úlesiniń nátı¬je¬sinde Qazaqstan-Túrkııa qarym-qa¬tynasy strategııalyq áriptestik deń¬geıine jetti. Árıne, Túrkııadaǵy el¬shilikte onymen birge talantty da ta¬lapty azamattar jumys istedi. Búgin Bekjasar Narbaev, Ábýtálip Ahmetov, Ómirtaı Bitimov, Dýlat Qýanysh, Qaırat Sarybaı syndy azamattar Qazaq¬stan¬nyń beldi-bedeldi qaıratkerleri, eldiń betkeustar tulǵalary.
Sol tusta saıası-ekonomıkalyq qa¬ty¬nastar qalaısha qalyptasa bastaǵan bolsa, mádenı-ádebı baılanystar da jandana tústi. Ulttyq mádenıetin jan dúnıesine sińirgen elshi Qanat Bek¬myrzauly Abaı men Jambyl atalary¬myzdyń 150 jyldyq mereıtoılaryn Túrkııanyń tórinde keń kólemde atap ótkizdi. Elshige erekshe iltıpat kór¬set¬ken sol kezdegi Túrkııanyń 9-prezı¬denti Súleımen Demıreldiń qazaq¬standyq qonaqtardy qushaq jaıa qarsy alǵany áli kúnge deıin esimizde. Sondyqtan «irgesiz úı bolmaıdy» demekshi, qazaq pen túrik halyqtarynyń ara¬syndaǵy baýyrmaldyq pen dostyqtyń irgesinde turǵan tulǵalardyń biri - sózsiz, Qanat Saýdabaev. Qazaqstan men Túrkııa qatynasyn nyǵaıtý maqsatyn¬da atqarǵan qyzmeti onyń ıntellek¬týaldyq ómirine de yqpal etpeı qoıǵan joq. Sondaı-aq onyń eki el arasyndaǵy baýyrmaldyq pen dostyqqa mán berip, zertteý jumystaryn júrgizgeni son¬shalyq «Qazaqstan-Túrkııa: qarym-qatynastardyń qalyptasýy men damýy» atty doktorlyq dıssertatsııasyn qorǵap, ǵylym doktory atanady.
Qanat Bekmyrzauly - qatardaǵy elshi emes, «ómir mektebinen» ótken tájirıbesi mol, taǵylymy tolyq týa bitken dıplomat. Ol dosy túgil, qasymen de til tabysýǵa beıil. Eshqashan jaý shaqyrmaıtyn qasıetimen tumany seıilmeıtin, ózgege eljireı qoımaıtyn elderdiń kóńilin áp-sátte taýyp ke¬tetin. Túrkııadan keıin Ulybrı¬ta¬nııaǵa, keıingi jyldary Amerıka Qurama Shtattaryna Qazaqstannyń elshisi bolyp taǵaıyndalyp, eldestirý qyzmetin joǵary deńgeıde júrgizgeni belgili. Brıtanııa Parlamentinde Qazaqstanǵa tilektes adamdardyń bas-tamashyl toby qurylǵany, eki el parla¬mentarııleriniń qarym-qatynasynyń jaqsarǵany da sol kez.
Toqsanynshy jyldardyń bastapqy kezi Qazaqstan úshin eń bir jaýapty kezeń edi. Dúnıejúzilik qoǵamdastyqqa kirý, erkin el retinde tanylý, BUU-ǵa múshe bolý sııaqty tarıhı mindetterdi júzege asyrý úshin memlekettiń syrtqy saıasaty durys jolǵa qoıylýǵa tıis edi. Ol kezde Syrtqy ister mınıstrliginiń tizgini Qanat Bekmyrzaulynyń qolyn¬da. Onyń az ýaqytta tyndyrǵan ońtaıly isterin tizbektep jatý ońaı emes. Eń bıik álemdik minbelerge shyǵyp sóz sóılep, tarıhı kelisimderge qol qoıǵa¬ny onyń Elbasymyzdyń qanshalyq¬ty senimdi ókili ekendigin kórsetti.
Eki myńjyldyqtyń tabaldyryǵyn attaǵanymyzda, Qanat Bekmyrzauly Amerıkaǵa elshi bolyp barǵanda eki eldiń arasy jaqyndaı túskeni málim. Barys-kelis, alys-beris jolǵa qoıy¬lyp, jandandy. Amerıkanyń eń yq¬paldy saıasatkerleri Qanat Bekmyr¬zauly elshi bolyp otyrǵanda elimizge resmı saparmen kelip, Elbasymyzben asa mańyzdy máseleler tóńireginde ke¬lissózder júrgizdi. Shamamen alty jyldyń ishinde Amerıkanyń barlyq derlik shtattaryn aralap, ınvestı¬tsııalyq konferentsııalar uıymdas¬tyrdy. Ol ulttyq rýhanııatty nası¬hattaýǵa, ulttyq mádenıetti shetelde tanystyrýǵa únemi kúsh salyp otyrdy. 2003 jyly Qurmanǵazy orkestriniń qatysýymen Vashıngtondaǵy Kennedı ortalyǵynda jáne Nıý-Iorktaǵy Kar¬negı holynda «Qazaq dalasynyń mý¬zykasy men áýeni» atty kontserttiń ótýine tikeleı yqpal etti. Qazaq mýzy¬kasyn muhıttyń arǵy betinde nası¬hat¬taýǵa úlken úles qosty. Qazaqtyń ta¬lantty qyzdary Aıman Musaqojaeva, Jánııa Áýbákirova syndy el maqta¬nyshtaryn Batys elderinde tanytýǵa kóp eńbegi sińdi.
Árıne, joǵaryda aıtyp ketken «Nazarbaev mektebi» jáne Elbasy¬¬myz salǵan damýdyń «Qazaqstandyq joly» úlken jaýapkershilikpen jumys isteý¬-ge talap etedi. Sondyqtan keıpkerimiz ózin¬iń bir esteliginde memleket tizgi¬nin ustaýdyń qanshalyqty ońaı emes ekendigin jáne Elbasymyzdyń mem¬lekettiń damýyna orasan zor úles qos¬qandyǵyn bylaısha tolǵaıdy: «Kóp¬tegen jyldar boıy álemniń birqatar beldi astanalarynda - Máskeýde, Ankarada, London men Vashıngtonda Qazaqstan elshisi mindetin atqaryp, táýel¬sizdik tusynda eldiń syrtqy saıa¬sat vedomstvosyn eki ret basqarǵan adam retinde men Qazaqstannyń álem¬degi qazirgi qurmetine qol jetkizý N.Nazarbaevqa qandaılyq kúshke tús-kenin jaqsy bilemin. Sırek kezdesetin strategııalyq oıtanymynyń, tańǵa-larlyq ıntýıtsııasynyń, dıploma¬tııa¬lyq talanty men aıryqsha jumys isteý qabiletiniń arqasynda N.Nazarbaev el¬degi jaǵdaıdy baqylaýda ustap qana qalǵan joq, sonymen birge eldi áleý¬mettik-ekonomıkalyq damýdyń birte-birte júzege asatyn, biraq senimdi traektorııasyna alyp shyǵa bildi, bul úshin qajetti qolaıly syrtqy jaǵ¬daılardy, eń aldymen halyqaralyq qoǵamdastyqtyń senimin qamtamasyz etti. Men bul oraıda syrtqy saıasat Memleket basshysynyń erekshe nazarynda turatyn sala ekenin qadap aıtqym keledi. Ony júzege asyrýdyń tetigi - Syrtqy ister mınıstrligi, jú¬zege asyrýshylary - Prezıdent taǵaıyndaıtyn elshiler».
Memleket qaıratkeri Qanat Saýdabaev ózi aıtqan Elbasy Nursultan Ábishulynyń tereń erýdıtsııasy men tańǵalarlyq túısiginiń nátıjesinde Qazaqstannyń Memlekettik hatshysy laýazymymen qosa Syrtqy ister mı¬nıstri mindetin atqardy. Bul mindetti atqarý úlken jaýapkershilikti talap etti. Óıtkeni sol jyly, ıaǵnı 2010 jyly Qanat Saýdabaevtyń basshylyǵy¬men Qazaqstan Respýblıkasy EQYU uıymyna tóraǵalyq etti. Nátıjesinde memleketimiz EQYU-nyń 11 jyldan beri ótpeı kele jatqan sammıtin ta¬masha ótkizýge jáne 56 memlekettiń barlyǵynyń EQYU-nyń tarıhı Astana deklaratsııasyn qabyldaýyna qol jet¬kizdi. Bul shynynda da Qazaqstannyń juldyzy janǵan shaǵy boldy, Nur¬sultan Ábishulynyń laıyqty jeke trıýmfy, qazaq halqynyń ulyly¬ǵy¬nyń, qazaqstandyqtardyń birligi men toptasqandyǵynyń búkil álemge jar¬qyraı kórinýi edi.
Rasynda, osyndaı juldyzymyz jan¬ǵan shaqtarymyz kóp bizdiń. 2017 jyly EKSPO kórmesin uıymdas¬ty¬rýǵa, 2017-2018 jyldarda Birikken Ulttar Uıymy Qaýipsizdik Keńesiniń turaqty emes músheligine saılanýǵa qol jetkizý sııaqty asa iri tabystardy aıtý¬ǵa bolady. Eń bastysy - osy jyl¬dardyń bárinde bizdiń ortaq úıi¬mizde tatýlyq pen kelisim, birlik pen ózara túsinistik saqtalyp, qazaqstan¬dyq¬tar¬dyń basty quqy - laıyqty ómir súrý quqy qamtamasyz etilip keledi.
Árıne, osyndaı bıik laýazymdy qyz¬metterdi atqarǵan tulǵa týraly bir ǵana maqalaǵa syıǵyzyp aıtý múmkin emes. Táýelsizdiktiń alǵashqy qalyp¬tasý jáne damý kezeńi Nursultan Nazar¬baevtyń esimine, Elbasyǵa atsalysyp qoldaý bildirgen el azamat¬tary men memlekettik qaıratkerleri¬niń esimine baılanysty ekeni sózsiz. Qazaqstannyń damýyna eńbegi sińgen memlekettik qaıratker Qanat Bek¬myr¬zaulynyń jetpistiń jetegine jetken jasymen shyn júrekten quttyqtaı-myz! Kezinde ózine óleń arnaǵan aqyn Tu¬manbaı Moldaǵalıev aıtqandaı, «Joǵaltpa armanyńdy aıalaı ber, Aman júr qaıda júrseń, asyl baýyr!» dep aǵamyzǵa amandyq pen esendik tileımiz.
Janseıit TÚIMEBAEV,
Qazaqstannyń Túrkııadaǵy elshisi