Saıasat Nurbek jumys saparymen Abaı oblysyna bardy
Mınıstr sapar barysynda «Semeı medıtsına ýnıversıteti» KEAQ bazasynda ornalasqan murajaıǵa bardy. Murajaı «Ýnıversıtet tarıhy» jáne «Keńes Odaǵynyń Batyry Mánshúk Mámetova» atty eki ekspozıtsııadan turady. Birinshi ekspozıtsııada medıtsına ýnıversıtetiniń tarıhy men qyzmeti, qurylǵan kúnnen bastap búgingi kúnge deıin atqarylǵan jumystar týraly aqparat berilgen. Ekinshi ekspozıtsııa Keńes Odaǵynyń batyr qyzy Mánshúk Mámetovaǵa arnalǵan. Onda batyr qyzdyń óz qolymen jazǵan ómirbaıany, maıdan dalasynda jazylǵan hat kóshirmeleri qoıylǵan.
Sapar aıasynda vedomstvo basshysy Qazaqstan joǵary oqý oryndary qaýymdastyǵynyń jalpy jınalysynyń otyrysyna qatysty. Іs-shara joǵary jáne joǵary bilimnen keıingi bilim berýdi jetildirý, zaman talabyna saı adamı kapıtaldy damytý jáne ýnıversıtetterdiń úshinshi mıssııasyn júzege asyrý máselelerin talqylaý maqsatynda uıymdastyryldy. Jıyn barysynda rektorlar joǵary oqý oryndarynyń óńirlerdiń áleýmettik-ekonomıkalyq damýyndaǵy orny men bilim berý baǵdarlamalaryn damytýdaǵy strategııalyq mindetter týraly pikir almasty. Otyrys sońynda Qaýymdastyq elimizdegi akademııalyq bilim berý júıesin damytý, halyqaralyq baılanystardy jetildirý jáne óńirlerdi sapaly kadrlarmen qamtýdyń ózekti máseleleri týraly qarar qabyldady.
«Mınıstrlik bastaǵan jumys birqalypty júrip jatyr. Joǵary oqý oryndarynyń rektorlary anyqtaldy, josparlar belgilendi. Ótken jyly jaqsy nátıjelerge qol jetkizildi. Árbir joba birinen soń biri qaralyp, júzege asyrylyp jatyr», - dedi Saıasat Nurbek.
Sonymen qatar Shákárim ýnıversıtetinde Halyqaralyq ıadrolyq synaqtarǵa qarsy is-qımyl kúni qarsańynda «Semeı ıadrolyq synaq polıgony: ǵylym jəne sotsıým» atty halyqaralyq dóńgelek ústel ótti.
Jıyn barysynda sarapshylar men mamandar, sonyń ishinde Halyqaralyq antııadrolyq qozǵalys ókilderi, ǵalymdar jáne Ulttyq ıadrolyq ortalyq ókilderi baıandama jasady. Olar ıadrolyq synaqtarǵa qatysty ekologııalyq, ǵylymı, tarıhı jáne áleýmettik máselelerdi jáne onyń aımaq pen jahandyq qoǵamǵa áseri jaıyndaǵy zertteýlerimen bólisti.
Іs-shara aıasynda Shákárim Qudaıberdiulynyń eskertkishine gúl qoıý rásimi, sýretshi Qurman Aımuhanbetovtyń «Semeı polıgonynyń qasireti» atty kórmesi uıymdastyryldy.
