Saıasat Nurbek Ulttyq keńes jaıynda: Óte kóp jumys atqaryldy
«Óte aýyr jumys boldy. Bir jaǵynan, mınıstrlikterdiń, vedomstvolardyń, kóptegen sarapshylardyń óz ustanymdary bar. Ekinshi jaǵynan bizdiń jekelegen qandaı da bir ustanymdarymyz bar jáne dórekileý aıtsam, bizge kóbin úılestirýge týra keldi. Túptep kelgende ulttyq keńes múshesi úshin bul da óte jaqsy ishki jumys. Biz komanda bolyp óte jaqsy jumys isteı almaıdy ekenbiz. Bizderge ózimshildigimizdi basyp, túsinýge týra keldi. Óıtkeni, bul mınıstrlikterdiń kópshiligimen óte tyǵyz jumys boldy», - dedi ol otyrystan keıin BAQ ókilderine bergen suhbatynda.
Sonymen qatar, ol óz tobynyń jumys máneri jaıynda da sóz qozǵady.
«Bizdiń áleýmettik top sál ózgesheleý jolmen júrdi. Biz joǵarydan tómen emes, tómennen joǵary jumys isteı bastadyq. Bastapqyda Eńbek, Densaýlyq saqtaý, Bilim, Mádenıet mınıstrlikterimen shamamen 25 kezdesý ótkizdik. Basty núkte retinde memlekettik baǵdarlamalardy tańdap aldyq. Óıtkeni, óte kóp usynystar ázirleýge bolady. Degenmen, bul naqty baǵdarlama aıasynda shoǵyrlanbasa, onda nátıje az shyǵady», - dedi sarapshy.
BTSDigital bilim berý jobalarynyń jetekshisi Memleket basshysy Qasym-Jomart Toqaevtyń Ulttyq keńestiń 2-otyrysynda kótergen máselelerine de qatysty oıymen bólisti.
«Qasym-Jomart Kemeluly barlyq usynystarmen egjeı-tegjeıli tanysty. Ulttyq keńes músheleriniń basym kópshiligi Prezıdentpen jeke kezdesip, ózderiniń barlyq tilekterin aıtty. Búgin Memleket basshysy sóz sóıleý barysynda usynystarymyzdyń 70-80 paıyzyn estidik», - dedi ol.
