Saıasat Nurbek UBT qaı baǵytta jetildiriletinin aıtty
«Ulttyq biryńǵaı testileý (UBT) talapkerdiń oqý jetistikteri men áleýmettik jaǵdaıyn eskeretin kórsetkishter boıynsha jetildiriledi. Atalǵan tásil grant baǵasy júıesine (30-dan 100%-ǵa deıin) dıfferentsıatsııa engizýde de qoldanylatyn bolady. Bilim alýshylarǵa jeńildetilgen 2-3 paıyzdyq nesıe alý múmkindikteri de josparlanyp otyr», - dedi S. Nurbek.
Onyń aıtýynsha, tyǵyz qonystanǵan jáne jańadan qurylǵan (Abaı, Ulytaý, Jetisý) oblystardyń talapkerlerine grant bólý jalǵasady.
«Stýdentterdi jataqhanamen qamtamasyz etý máselesin sheshý úshin ýnıversıtettermen jáne qurylys kompanııalarymen memlekettik-jekeshelik áriptestik tetigi jetildiriletin bolady», - dedi mınıstr.
Aıta keteıik, búgin Úkimet otyrysynda bilim berýdi damytýdyń 2026 jylǵa deıingi tujyrymdamasynyń jobasy bekitildi.
