Saıasat Nurbek: Túrki álemin bilim men ınnovatsııa dáýirine bastaıtyn jańa býyn qalyptasýy tıis
ASTANA. KAZINFORM - Búgin Túrkistan qalasynda Túrki memleketteri uıymyna (TMU) múshe memleketterdiń Bilim mınıstrleriniń ІH otyrysy ótti, dep habarlaıdy QR Ǵylym jáne joǵary bilim mınıstrliginiń baspasóz qyzmeti.
Basqosýǵa salalyq vedomstvolardyń basshylary, TMU Hatshylyǵynyń ókilderi, sondaı-aq uıymǵa múshe jáne baqylaýshy memleketterdiń delegatsııalary qatysty.
Otyrysty ashqan QR Ǵylym jáne joǵary bilim mınıstri Saıasat Nurbek Túrkistannyń túrki áleminiń rýhanı ári mádenı ortalyǵy retindegi aıryqsha mańyzyn atap ótip, onyń baýyrlas memleketter arasyndaǵy yqpaldastyq úderisterin nyǵaıtýdaǵy erekshe róline toqtaldy.
Óz sózinde mınıstr bıyl mamyr aıynda Túrkistan qalasynda «Jasandy ıntellekt jáne tsıfrlyq damý» taqyrybymen Túrki memleketteri uıymyna múshe memleketter basshylarynyń beıresmı sammıti ótkenin eske saldy.
Sammıt qorytyndysy boıynsha jasandy ıntellekt, tsıfrlyq transformatsııa jáne adamı kapıtaldy damytý túrki elderiniń uzaq merzimdi yntymaqtastyǵynyń negizgi basymdyqtary retinde aıqyndalǵan bolatyn.
- Búgingi otyrystyń strategııalyq mańyzy erekshe. Óıtkeni bilim berý – ortaq maqsat-murattarymyzdyń negizi ári ortaq qundylyqtarymyzdy saqtaı otyryp, túrki álemin bilim, ınnovatsııa jáne jasandy ıntellekt dáýirine bastaıtyn jańa býyn qalyptastyrýdyń mańyzdy quraly. Bilim men ǵylym salalaryndaǵy yntymaqtastyqty odan ári nyǵaıtý, akademııalyq utqyrlyqty damytý, tsıfrlyq oqytýdy jetildirý jáne birlesken ǵylymı bastamalardy iske asyrý arqyly memleketterimizdiń turaqty damýy men jahandyq básekege qabilettiligin qamtamasyz etetin biryńǵaı bilim berý keńistigin qalyptastyra alamyz dep senemin, – dedi Saıasat Nurbek.
Otyrysqa qatysýshylar ortaq tarıhı-mádenı qundylyqtarǵa, joǵary akademııalyq standarttarǵa jáne ornyqty damý qaǵıdattaryna negizdelgen birtutas bilim berý keńistigin qalyptastyrý maqsatynda bilim jáne ǵylym salalaryndaǵy yntymaqtastyqty odan ári damytýǵa beıildi ekenderin rastady.
Jıyn barysynda akademııalyq yntymaqtastyqty keńeıtý, tsıfrlyq oqytýdy damytý, biliktilikterdi ózara taný tetikterin jetildirý, joǵary oqý oryndary arasyndaǵy baılanysty nyǵaıtý, sondaı-aq TMU elderindegi bilim berý men ǵylymı zertteýlerdiń sapasyn arttyrý máseleleri qaraldy.
Sonymen qatar tsıfrlyq ıntegratsııany, bilim berý tehnologııalaryn, derekter almasýdy jáne jasandy ıntellekt salasyndaǵy birlesken bastamalardy damytýdy kózdeıtin «Tsıfrlyq túrki álemi» tujyrymdamasyn iske asyrýdyń mańyzdylyǵy erekshe atap ótildi. Qatysýshylar tsıfrlyq transformatsııanyń ulttyq strategııalaryn damytý jáne jańa ekonomıka úshin bilikti kadrlar daıarlaý baǵytyndaǵy kúsh-jigerdi úılestirý qajettigin aıtty.
Otyrysta QR Oqý-aǵartý vıtse-mınıstri Shynar Aqparova, Túrki memleketteri uıymynyń Bas hatshysy Kýbanychbek Omýralıev, Ázerbaıjan Respýblıkasynyń Ǵylym jáne bilim mınıstri Emın Ámrýllaev, Qyrǵyz Respýblıkasynyń Bilim mınıstri Dogdýrkýl Kendırbaeva, Qyrǵyz Respýblıkasynyń Ǵylym, joǵary bilim jáne ınnovatsııalar mınıstriniń orynbasary Dýrýs Kozýev, Túrkııa Respýblıkasynyń Ulttyq bilim mınıstri ıÝsýf Tekın, Túrkııa Respýblıkasy Joǵary bilim keńesiniń tóraǵasy Erol Ozvar, Ózbekstan Respýblıkasy Joǵary bilim, ǵylym jáne ınnovatsııalar mınıstriniń birinshi orynbasary Sardor Radjabov, sondaı-aq baqylaýshy memleketterdiń ókilderi baıandama jasady.
Kezdesý qorytyndysy boıynsha qatysýshylar Túrki memleketteri uıymyna múshe elderdiń Bilim mınıstrleriniń ІH otyrysynyń kommıýnıkesine qol qoıdy. Qujatta qol jetkizilgen ýaǵdalastyqtar bekitilip, bilim berý, ǵylym, akademııalyq utqyrlyq, tsıfrlandyrý jáne kadrlar daıarlaý salalaryndaǵy yntymaqtastyqty damytýdyń aldaǵy qadamdary aıqyndaldy.
Otyrysty qorytyndylaǵan mınıstr barlyq delegatsııalarǵa syndarly dıalog, belsendi qatysý jáne túrki álemindegi bilim jáne ǵylym salasyndaǵy yntymaqtastyqty damytýǵa qosqan úlesi úshin alǵys bildirdi. Ol qabyldanǵan sheshimder TMU-ǵa múshe memleketterdiń bilim berý júıelerin odan ári yqpaldastyrýǵa jáne Uıymnyń 2040 jylǵa deıingi strategııalyq maqsattaryn iske asyrýǵa yqpal etetinine senim bildirdi.
Osyǵan deıin habarlaǵanymyzdaı, TMU elderi «aqyldy» jáne «jasyl» qalalardy damytýǵa ýaǵdalasty.
