Saıasat Nurbek óz jumysyna kóńili tolmaıtynyn aıtty

ASTANA. QazAqparat – QR Ǵylym jáne joǵary bilim mınıstri Saıasat Nurbek ǵylymǵa bólingen qarajatty tıimdi qoldaný qajettigin aıtty, dep habarlaıdy QazAqparat tilshisi.

«Bıyl ǵylymǵa bólingen eleýli qarajat aǵynyn sezingen shyǵarsyzdar – granttyq qarjylandyrý esebinen 159 mlrd teńgege jýyq qarajat baǵyttaldy. Qazir ǴZI jáne JOO-men osy qarajatty durys jáne barynsha tıimdi ıgerý boıynsha úlken jumys kútip tur. Keshe biz ǴZI basshylarymen úlken keńes ótkizdik, kelesi jylǵa bilim berý jáne ǵylymı tapsyrys túzý jóninde osy dıalogty jalǵastyramyz. Bıyl qarjylandyrýdyń osyndaı teris tsıklin úzýge ýáde beremiz», - dedi Saıasat Nurbek elordada «Joǵary bilim jáne ǵylym-2023» forýmynda.

Mınıstr Prezıdent tapsyrmalaryn oryndaý boıynsha óz jumysyna baǵa berdi.

«Bıyl jyldy da jaqsy bastaǵan joqpyz – Úkimetke esep bergen kezde Prezıdent tapsyrmalaryn oryndaý boıynsha ózindik baǵalaý kórsetkishi bar. Ókinishke qaraı, daıyndyq jumystary men qarjylandyrý boıynsha men ózime qanaǵattanarlyqsyz baǵa qoıyp otyrmyn», - dedi Saıasat Nurbek.