Saıasat Nurbek: Otandyq ǵylymnyń ımıdji onsha emes

Otandyq ǵylymnyń ımıdji onsha emes. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy Kazinform.

«Doktoranttardyń 1 paıyzy qorǵamaıdy. Taǵy 1 paıyzy qorǵasa da ýnıversıtetterge, ǵylymı ınstıtýttarǵa barǵanda 3-4 jyl jumys istep keti,p qalady. Sebepteri de bar. Eń aldymen ǵylymǵa barý mansap tańdaý sııaqty. Ókinishke oraı, otandyq ǵylymnyń ımıdji onsha emes. Ony qabyldaýymyz, moıyndaýymyz qajet. Mynadaı jaman anekdot bar. Jas stýdent kitaphanaǵa keledi. Kitaphanashy: «qandaı kómegim kerek?», dese, stýdent: «Qazaqstan ǵylymy týrady kitap izdep júrmin», depti. Sonda kitaphanashy: «fantastıka ekinshi qabatta», degen eken. Jaman anekdot. Jastardyń pikirinshe, ǵylym ne joq, ne óte tómen deńgeıde. Sondaı pikir qalyptasqan. Negizinde myqty-myqty ǵylymı mektepterimiz, jetekshilerimiz, ǵalymdarymyz bar. Biraq, olardy kórsete almaı otyrmyz. ıAǵnı, qazir aqparattyq keńistikte málimet jetispeıdi», - dedi mınıstr Jibek Joly telearnasynyń «Ýáde» baǵdarlamasyna bergen suhbatynda.

Osy oraıda Saıasat Nurbek elimizdiń myqty ǵalymdaryn tanystyrý baǵytynda arnaýly medıa-joba ázirlenip jatqandyǵyn eskertip ótti.