Saıasat Nurbek NIS oqýshysynyń mektepten shyǵarylýy jaıynda: durys sheshim

ASTANA. KAZINFORM — Ǵylym jáne joǵary bilim mınıstri Saıasat Nurbek Nazarbaev zııatkerlik mektebi oqýshysynyń mektepten shyǵarylýyna baılanysty daýly oqıǵaǵa pikir bildirdi. 

— Másele kúrdeli. Akademııalyq adaldyq mádenıetin qalyptastyrý qajet. Kóshirý — ózińe-óziń zııan tıgizý, dıplomdyq jumysty kóshirý — ózińe kesel. Bul stýdent nemese mektep oqýshysynyń ózi almaǵan bilim. Qazir Nazarbaev zııatkerlik mektebinen oqýshynyń shyǵarylýyna qatysty daýly oqıǵa órbip jatyr jáne de bul durys sheshim. Óıtkeni, myqty akademııalyq adaldyqsyz sapaly bilim qalyptastyrý múmkin emes. Barlyq eń myqty bilim júıesi — kanadalyq, soltústikamerıkalyq, japondyq júıe akademııalyq adaldyq qaǵıdaty negizinde qalyptasqan. Eger plagıat qabyldanbasa jáne antıplagıat mádenıeti óte qatań túrde qalyptassa, onda sapa da bolady. Sondyqtan muny durys boldy dep esepteımin. Mundaı kez kelgen jaǵdaıda akademııalyq adaldyq qaǵıdatynan taımaý qajet, — dedi mınıstr elordada ótip jatqan Astana halyqaralyq forýmy aıasynda.

Buǵan deıin ustazyn balaǵattaǵan Nazarbaev mektebiniń oqýshysy oqý ornynan shyǵarylǵanyn jazǵan edik.