Saıasat Nurbek Indonezııa elshisimen kezdesti
ASTANA.KAZINFORM - Ǵylym jáne joǵary bilim mınıstri Saıasat Nurbek Qazaqstan jáne Tájikstan Respýblıkasyndaǵy Indonezııa Respýblıkasynyń Tótenshe jáne ókiletti elshisi Mohamad Rahmanmen ekijaqty kezdesý ótkizip, elimizdegi joǵary oqý oryndarynda bilim alyp jatqan ındonezııalyq stýdenttermen jáne túlektermen júzdesti.
Іs-shara barysynda joǵary bilim jáne ǵylym salalaryndaǵy ekijaqty yntymaqtastyqtyń ózekti máseleleri talqylandy. Sondaı-aq elimizdiń joǵary oqý oryndarynda oqýyn sátti aıaqtaǵan Indonezııa Respýblıkasynyń túlekterin saltanatty túrde marapattaý rásimi ótti.
Іs-sharaǵa QR Ǵylym jáne joǵary bilim mınıstrliginiń ókilderi, dıplomatııalyq korpýs músheleri, akademııalyq qaýymdastyq pen Qazaqstannyń joǵary oqý oryndarynyń ókilderi, sondaı-aq ındonezııalyq stýdentter men túlekter qatysty.
Qatysýshylarǵa QR Ǵylym jáne joǵary bilim mınıstri Saıasat Nurbek quttyqtaý sóz arnady. Mınıstr túlekterdi oqýyn sátti aıaqtaýymen quttyqtap, halyqaralyq akademııalyq yntymaqtastyqtyń Qazaqstan men Indonezııa arasyndaǵy qatynastardy nyǵaıtýdyń mańyzdy quraly ekenin atap ótti jáne sheteldik stýdentterdiń bilim alýy men kásibı damýyna qolaıly múmkindikterdi odan ári keńeıtýge Qazaqstan Respýblıkasynyń beıildi ekenin atap ótti.
Óz kezeginde Indonezııa Respýblıkasynyń Tótenshe jáne ókiletti elshisi Mohamad Fadjroel Rahman qazaqstandyq tarapqa Indonezııa azamattarynyń bilim alýyna qolaıly jaǵdaı jasaǵany úshin alǵys bildirip, mınıstrdiń halyqaralyq bilim berý yntymaqtastyǵyn damytýǵa jáne eki el arasyndaǵy baılanystardy nyǵaıtýǵa qosqan jeke úlesin atap ótti.
Ǵylym jáne joǵary bilim mınıstrligi málimetinshe, kezdesý barysynda Qazaqstandaǵy ındonezııalyq stýdentter men túlekter qaýymdastyǵynyń ókilderi de sóz sóıledi. Ál-Farabı atyndaǵy Qazaq ulttyq ýnıversıtetiniń stýdentteri atynan Iolanda Mýhlıs quttyqtaý sóz sóılep, alǵysyn bildirdi. M.Nárikbaev ýnıversıtetiniń túlekteriniń pikirin Fadlı Banýrea tanystyrdy.
Olar Qazaqstanda bilim alý jáne ómir tájirıbesimen bólisip, joǵary akademııalyq daıyndyq deńgeıin, qolaıly bilim berý ortasyn jáne qazaqstandyq joǵary oqý oryndarynyń qoldaýyn erekshe atap ótti.
Іs-sharanyń kýlmınatsııasy Indonezııa Respýblıkasynyń túlekterine úzdik oqý úlgerimi, qoǵamdyq ómirge belsene qatysqany jáne Qazaqstan Respýblıkasy men Indonezııa Respýblıkasy arasyndaǵy dostyqty, ózara túsinistikti jáne gýmanıtarlyq yntymaqtastyqty nyǵaıtýǵa qosqan úlesi úshin alǵys hattardy saltanatty túrde tabystaý rásimi boldy.
Kezdesý qorytyndysy boıynsha taraptar joǵary bilim, ǵylym jáne akademııalyq utqyrlyq salalaryndaǵy ekijaqty yntymaqtastyqty odan ári nyǵaıtýǵa ózara múddelilik bildirdi.
Atalǵan is-shara Qazaqstan men Indonezııa arasyndaǵy strategııalyq seriktestiktiń, ózara senim men gýmanıtarlyq yntymaqtastyqtyń joǵary deńgeıin aıqyn kórsetti, sondaı-aq jańa birlesken bilim berý jáne ǵylymı bastamalardy iske asyrý úshin qosymsha negiz qalyptastyrdy.
Aıta keteıik, Prezıdent Qasym-Jomart Toqaev pedagog mártebesi men bala quqyqtaryna qatysty zańǵa qol qoıdy.
