Saıasat Nurbek halyqaralyq Learning Hero syılyǵymen marapattaldy

ASTANA. KAZINFORM — Coursera-nyń jyl saıynǵy konferentsııasynda elimiz úshin mańyzdy tarıhı oqıǵa boldy – QR Ǵylym jáne joǵary bilim mınıstri Saıasat Nurbek halyqaralyq Learning Hero syılyǵymen marapattaldy. Bul týraly Ǵylym jáne joǵary bilim mınıstrligi málim etti.

Learning Hero Award — bul Coursera platformasynyń yqpalyn kórsetetin, bilim berý salasyndaǵy jańashyldyq pen ózgeristerge jol ashqan kóshbasshylarǵa beriletin marapat. Bul — tsıfrlyq oqytýdy ulttyq deńgeıde damytyp júrgen azamattarǵa arnalǵan erekshe taný.

— Qazaqstan bilim berýdi tsıfrlandyrýdyń biregeı úlgisin qalyptastyryp keledi. Atap aıtqanda, Coursera platformasynda qazaqstandyq stýdentter men oqytýshylar 350 000-nan astam sertıfıkat aldy, júzdegen kýrs qazaq tiline aýdarylyp, stýdetterge qoljetimdi boldy, JOO-lar onlaın kýrstardy akademııalyq baǵdarlamalaryna ıntegratsııalady, úzdik tsıfrlyq resýrstar barlyq joǵary oqý oryndarynyń bilim alýshylaryna qoljetimdi boldy, — dep jazdy vedomstvodan.

Osy strategııalyq qadamdar Qazaqstandy búkil álemge tsıfrlyq bilim berý reformasyn tabysty júzege asyryp jatqan memleket retinde tanytty.

Aıta keteıik, Ǵylym jáne joǵary bilim mınıstrligi jalǵan dıplomnyń jolyn kesý úshin biryńǵaı baza qurdy.