Saıasat Nurbek qaıtadan Ǵylym jáne joǵary bilim mınıstri boldy
ASTANA. KAZINFORM — Saıasat Nurbek Ǵylym jáne joǵary bilim mınıstri laýazymyna taǵaıyndaldy.
Tıisti Jarlyqqa Prezıdent Qasym-Jomart Toqaev qol qoıdy.
— Saıasat Nurbek Qazaqstan Respýblıkasynyń Ǵylym jáne joǵary bilim mınıstri laýazymyna taǵaıyndalsyn, — delingen qujatta.
Saıasat Nurbek 1981 jyly Semeı qalasynda týǵan.
Marshalltaýn kolledjin (AQSh), L. N. Gýmılev Eýrazııa ulttyq ýnıversıtetin, La Sapienza (Italııa) ýnıversıtetin bitirdi. AQSh, Sıngapýr, Belgııa, Japonııa, Gollandııada taǵylymdamadan jáne biliktilikti arttyrý kýrstarynan ótti.
2002–2004 jyldary Qazaqstannyń jastar saıasatyn iske asyrýǵa qatysty.
2006–2009 jyldary «Qazyna» turaqty damý qory» AQ ınvestıtsııalyq jobalar salasynda jumys istedi, QR Prezıdenti Ákimshiliginiń Kadr saıasaty sektorynyń meńgerýshisi, QR Prezıdenti janyndaǵy Memlekettik basqarý akademııasynyń halyqaralyq yntymaqtastyq jáne ǵylym jónindegi vıtse-rektory, «Samuryq-Qazyna» ulttyq ál-aýqat qory» AQ departament dırektory, kadr saıasaty jáne basqarý jónindegi atqarýshy dırektor bolyp qyzmet atqardy.
2009 jyly — Qazaqstan Respýblıkasy Prezıdentiniń janyndaǵy Memlekettik saıasattyń ulttyq mektebiniń dırektory.
2010–2013 jyldary — QR Bilim jáne ǵylym mınıstrliginiń «Halyqaralyq baǵdarlamalar ortalyǵy» AQ prezıdenti.
2013–2015 jyldary — «Nur Otan» partııasynyń Qoǵamdyq saıasat ınstıtýtynyń dırektory.
2015–2016 jyldary Almaty qalasy ákimdigi ishki saıasat basqarmasy basshysynyń mindetin atqarýshy.
2016 jyl — «Astana» halyqaralyq qarjy ortalyǵynyń basqarýshy dırektory, basqarma múshesi.
2019–2022 jyldary — BTS Education kompanııasynyń basshysy, Qazaqstannyń jańa mamandyqtar atlasy jobasynyń jetekshisi, National Geographic Kazakhstan izgi elshici, Ulttyq qoǵamdyq senim keńesiniń múshesi.
2022 jyldyń aqpan aıynan bastap — QR Parlamenti Májilisiniń depýtaty.
Prezıdent Q. Toqaevtyń 2022 jylǵy 11 maýsymdaǵy Jarlyǵymen QR ǵylym jáne joǵary bilim mınıstri bolyp taǵaıyndaldy.
2023 jylǵy 4 sáýirde QR Prezıdentiniń Jarlyǵymen Qazaqstan Respýblıkasynyń ǵylym jáne joǵary bilim mınıstri bolyp qaıta taǵaıyndaldy.
2024 jylǵy 6 aqpanda Jarlyǵymen Saıasat Nurbek Qazaqstan Respýblıkasynyń ǵylym jáne joǵary bilim mınıstri bolyp taǵaıyndaldy.
2026 jylǵy 3 qyrkúıekte Jarlyǵymen Saıasat Nurbek Qazaqstan Respýblıkasynyń ǵylym jáne joǵary bilim mınıstri bolyp taǵaıyndaldy.
Eske salaıyq, buǵan deıin Dáýren Qosanov Qorǵanys mınıstri, Erjan Sádenov Іshki ister mınıstri, Ǵalymjan Qoıshybaev Premer-mınıstrdiń orynbasary — Úkimet Apparatynyń basshysy, Serik Jumanǵarın Premer-mınıstrdiń orynbasary — Ulttyq ekonomıka mınıstri, Jaslan Mádıev Jasandy ıntellekt jáne tsıfrlyq damý mınıstri, Nurlybek Nálibaev Premer-mınıstrdiń birinshi orynbasary, Qanat Bozymbaev Premer-mınıstrdiń orynbasary, Mádı Takıev Qarjy mınıstri, Nurlan Saýranbaev Kólik mınıstri, Erlan Sársembaev Ádilet mınıstri, Murat Muhanov Tótenshe jaǵdaılar mınıstri, Erlan Aqkenjenov Energetıka mınıstri, Ersaıyn Naǵaspaev Ónerkásip jáne qurylys mınıstri, Juldyz Súleımenova Oqý-aǵartý mınıstri, Arman Shaqqalıev Saýda jáne ıntegratsııa mınıstri, Nurjan Nurjigitov Sý resýrstary jáne ırrıgatsııa mınıstri, Aqmaral Álnazarova Densaýlyq saqtaý mınıstri, Álibek Qýantyrov Ekologııa jáne tabıǵı resýrstar mınıstri, Aıdarbek Saparov Aýyl sharýashylyǵy mınıstri, Asqarbek Ertaev Eńbek jáne halyqty áleýmettik qorǵaý mınıstri, Erbol Myrzabosynov Týrızm jáne sport mınıstri laýazymyna taǵaıyndalǵanyn habarlaǵanbyz.
