Saıasat Nurbek: Astana qarjy ortalyǵyn qurýdyń naǵyz qajetti kezeńi týyp otyr
ASTANA. QazAqparat - «Astana» halyqaralyq qarjy ortalyǵynyń atqarýshy dırektory Saıasat Nurbek Úkimet úıinde qarjy ortalyǵynyń basym baǵyttary týraly sóz qozǵady, - dep habarlaıdy «QazAqparat» HAA tilshisi.
«Dúnıe júzinde qarjy júıesi men halyqaralyq qarjy ortalyqtaryna baılanysty óte qyzyq eki úrdis bolyp jatyr. Birinshisi, kóptegen memleketter ózderiniń halyqaralyq qarjy ortalyqtaryn ashyp jatyr. Álemde 800-ge jýyq qarjylyq ortalyǵy bar. Nelikten? Birinshiden, qazirgi tańda ásirese, Ońtústik Shyǵys Azııada aqshany, ıaǵnı baılyqty shoǵyrlandyrý protsesi júrip jatyr. Qarjy qyzmetterine úlken suranys arta bastady. Ásirese, damyǵan elderde kapıtaldy basqarý óte joǵary deńgeıde. Ol elderde qarjy qyzmetiniń damyǵan naryǵy bar. ıAǵnı, ol memleketter ózderiniń elderinde damyǵan halyqaralyq qarjy ortalyqtaryn ashýdy josparlaýda. Qazirgi tańda damyp kele jatqan London, Nıý-Iork, Sıngapýr sekildi halyqaralyq qarjy ortalyqtarynyń janynda qazir Býmbaı, Bangkok, Ystanbul sekildi qalalarda, kip-kishkentaı Emırattardyń ózinde eki qarjy ortalyǵy bar. ıAǵnı, bul úrdis qarjy qyzmetterine suranys artyp kele jatqanyn kórsetedi», - deıdi Saıasat Nurbek.
Onyń aıtýynsha, jalpaq tilmen aıtqanda, qarjy naryǵynda «básekeniń kókesi» endi ǵana qyzyp kele jatyr. Ál memleket óziniń shoǵyrlanǵan kapıtal júıesin kórsetkisi keledi.
«Bizdiń bir-eki basym baǵyttarymyz bar. Qytaı, Ońtústik Shyǵys Azııa, TMD elderi, Eýropa, Amerıka jáne Taıaý Shyǵys sekildi bes úlken naryq baryn bilesizder. Ár aımaqqa strategııalyq seriktesterimiz bar. Qaırat Nematuly aıtyp ketkendeı, Qytaıǵa keletin bolsaq, bizdiń bırjamyzdyń negizgi seriktesi osy Shańhaı qory bolyp tabylady. Dúnıe júzinde ol bırja tórtinshi orynda tur. Shańhaı qazirgi tańda Qytaıdyń negizgi qarjy ortalyǵy. TMD elderinde Máskeý qor bırjasymen seriktestigimiz tyǵyz. Taıaý Shyǵysta Dýbaı qarjy ortalyǵy tur. Eýropa naryǵyna keler bolsaq, London men Frankfýrttaǵy ortalyqtarmen kelisimsharttarymyz bar. AQSh-qa keler bolsaq, dúnıe júzindegi eń iri úshinshi qor bırjasy bizdiń seriktesimiz bolyp tabylady», - dedi ol.
Saıasat Nurbek óz sózinde qarjy naryqtarynda ınvestorlar úlken eki topqa bólinetinin atap ótti Biri aqparatty gazetterden tutynsa, ekinshisi IT tehnologııalar arqyly jumys júrgizedi.
«Biz eki túrli aqparttyq strategııamyzdy damytyp, birinshiden Blýmberg, SNN sekildi iri halyqaralyq agenttiktermen, ekinshi satyda biz ár aımaqta kishigirim agenttiktermen jumys júrgizip, áleýmettik jelide belsendi jumys atqaramyz. Aqparattandyrý saıasatyn ár tarapty túrde júrgizýimiz kerek. Úshinshi basym baǵytymyz ózimizdiń ishki naryqty umytpaýymyz kerek. Qazaqstandyq BAQ-arqyly jumys atqaramyz. Qarjylyq kompanııalardy alańǵa tartýymyz kerek. Nege deseńizder, jergilikti qarjy kózderi tartylsa, ǵana sheteldikter qyzyǵýshylyq tanyta bastaıdy. Jalpy sózben aıtqanda, úsh baǵytta jumys júrgizip jatyrmyz. Qyzyǵýshylyq óte zor. Nege deseńiz, jańa Jibek joly úlken naryqty ortaǵa shyǵaryp jatyr. Osy naryqqa álem qyzyǵyp otyr. Bylaı qarasańyz, úlken Eýrazııa keńistiginde mamandandyrylǵan qarjy ortalyǵy joq. Bul jaqta Ystanbul, anaý jaqta Shanhaı qarjy ortalyǵy deseńiz, ortadaǵy 2-3 myń shaqyrymdyq keńistik bos jatyr. Dál Astana qarjy ortalyǵynyń ýaqyty kelip otyr. Ortalyqty qurǵan jaǵdaıda Qytaı da, Eýropadaǵylar da bir qarjy platformasyna enedi. Jańa naryqta qarjy ortalyǵy qajettiligi zor», - dep túıdi Saıasat Nurbek.
