Saıasat Nurbek: Altyn Orda búginimiz ben bolashaǵymyzdyń mańyzdy bóligi
ASTANA. KAZINFORM — Altyn Orda jahandyq saýdanyń alǵashqy negizin qalyptastyrdy. Bul týraly elordadaǵy Táýelsizdik saraıynda ótip jatqan «Altyn Orda — dala órkenıetiniń úlgisi: tarıh, arheologııa, mádenıet, biregeılik» atty Halyqaralyq sımpozıýmda Ǵylym jáne joǵary bilim mınıstri Saıasat Nurbek aıtty.
— ıÝNESKO-nyń qoldaýymen ótip otyrǵan bul sımpozıýmǵa 20 elden 350-den astam ǵalym qatysýda. Biz Altyn Ordany zerttep júrgen negizgi ǵalymdardy, tarıhshylar men sarapshylardy barynsha tolyq jınaýǵa talpyndyq. Altyn Orda týraly úzdik ári tereń oılardyń biri tarıhshy ári jazýshy Djek Ýezerfordqa tıesili: «Álemdi at ústinde jaýlap alý ońaı. Eń qıyny attan túsip, memleketti basqarý». Ýezerfordtyń bul pikiri Altyn Ordanyń shynaıy tarıhı jetistigin aıqyndaıdy, — dedi mınıstr.
Onyń aıtýynsha, mundaı áskerı jaýlap alý birneshe ǵasyr boıy Eýrazııa dalasyndaǵy ulanǵaıyr ári kópetnosty aýmaqty tıimdi basqarýǵa men memleket qurýǵa alyp keldi.
— Altyn Orda saýda men mádenıetke jańa serpin berip, Shyǵys pen Batys arasyndaǵy taýarlar men ıdeıalar almasýyn jeńildetti. Jahandyq saýdanyń alǵashqy negizin qalyptastyryp, mádenıetaralyq ózara yqpaldastyqtyń tereń damýyna túrtki boldy. Altyn Orda tek bizdiń ótkenimiz ǵana emes. Ol — bizdiń búginimiz ben bolashaǵymyzdyń mańyzdy bóligi, — dedi Saıasat Nurbek.
Іs-sharaǵa Memleket basshysy Qasym-Jomart Toqaev qatysyp otyr.
Esterińizge sala ketsek, osy jyldyń qańtar aıynda Qyzylorda qalasynda ótken Ulttyq quryltaıdyń V otyrysynda Memleket basshysy Qasym-Jomart Toqaev Altyn Orda tarıhyna arnalǵan halyqaralyq sımpozıým uıymdastyrylatynyn, is-sharaǵa álemniń bedeldi ǵalymdary shaqyrylatynyn aıtqan edi.
