«Saıaq-3» shahtasyndaǵy oqıǵa: úshinshi shahterdiń jaǵdaıy ortasha aýyr

QARAǴANDY. KAZINFORM — Qaraǵandy oblysynyń Densaýlyq saqtaý basqarmasy «Saıaq-3» shahtasynda kómirqyshqyl gazy shyǵýy saldarynan zardap shekken úshinshi kenshiniń jaǵdaıy týraly aıtyp berdi, dep habarlaıdy Kazinform agenttiginiń tilshisi.

Dárigerler habarlaǵandaı, «Saıaq-3» shahtasynda kómirqyshqyl gazynyń shyǵýy saldarynane zardap shekken kenshilerdiń biri qatty ýlanǵan. Qazir ol Balqash qalasynyń aýrýhanasynda jatyr. 

«Zardap shekken qyzmetker Balqash qalasynyń kópsalaly aýrýhanasyna tústi. Aldyn ala dıagnoz: kómirtegi totyǵymen qatty ýlaný. Jalpy jaǵdaı ıntoksıkatsııa sındromy saldarynan ortasha aýyrlyq dárejede dep baǵalanady. Naýqasqa barlyq qajetti medıtsınalyq kómek kórsetilýde», - dep habarlady Qaraǵandy oblysy Densaýlyq saqtaý basqarmasynyń baspasóz qyzmeti.

Esterińizge sala keteıik, «Qazaqmys» kompanııasyna tıesili «Saıaq-3» shahtasynda kómirtegi gazy shyǵyp, nátıjesinde shahtanyń eki qyzmetkeri qaza tapty. 

Bul oqıǵaǵa qatysty qylmystyq is qozǵaldy. Sondaı-aq, eńbek ınspektsııasy arnaıy komıssııa qurdy.