Saıabaqtaǵy ý-shý: Almaty turǵyny mınıstrge shaǵymdandy
NUR-SULTAN. QazAqparat - QR Іshki ister mınıstri Erlan Turǵymbaev halyqqa onlaın esep berý barysynda Almatynyń «Juldyz» shaǵyn aýdanynda qoǵamdyq tártipti qalpyna keltirýdi tapsyrdy, dep habarlaıdy QazAqparat tilshisi.
Mınıstrdiń Ortalyq kommýnıkatsııalar qyzmetinde ótken esep berýi barysynda Almaty qalasy «Juldyz» shaǵyn aýdanynyń turǵyny jańadan salynǵan saıabaq túnde aıǵaı-shýǵa toly bolyp, tynyshtyqty buzatyndyǵyna shaǵymdandy.
«Qazirgi ýaqytta Almaty qalasy ulǵaıyp ketti. Bul – saıabaqtar, gúlzarlar jańadan salynyp, jaryqtandyrý tartylǵan jańa shaǵyn aýdandardyń biri. Eń aldymen, azamattardyń, balalardyń, atalǵan aýdan turǵyndarynyń qaýpsizdigi basty másele bolýy tıis. Sondyqtan Almaty qalalyq Polıtsııa departamentiniń basshylyǵyna bul máseleni baqylaýǵa alyp, ol jerde polıtsııa kezekshiligin kúsheıtýdi tapsyramyn. Atalǵan saıabaqta tártip bolýy úshin vıdeokameralar ornatý qajet»,- dedi Erlan Turǵymbaev.
