«Saxnager» syılyǵy tabystalady
ASTANA. QazAqparat - Búgin Astanadaǵy «Qazaqstan» kontsert zalynda «Saxnager» ulttyq teatr syılyǵyn tabystaý saltanaty ótedi, dep xabarlaıdy QazAqparat tilshisi.
«Saltanatty sharaǵa QR Memlekettik xatshysy Gúlshara Ábdiqalyqova, sondaı-aq elimizdegi teatr qaýymdastyǵynyń ókilderi qatysady. «Saxnager» báıgesi teatr óneri salasynda qol jetkizgen joǵary jetistikteri úshin beriledi», - dedi Ortalyq kommýnıkatsııalar qyzmetiniń resmı ókili Murat Jumanbaı búgingi brıfıngte.
Al Almaty qalasynda «Órleý» xalyqaralyq xoreografııa baıqaýynyń jabylý rásimi ótedi. Baıqaýdyń maqsaty - ulttyq xoreografııalyq bilim, óner jáne mádenıet beınesin damytý, baletmeıster, Memlekettik syılyqtyń laýreaty, xalyq ártisi Záýirbek Raıbaevtyń shyǵarmashylyq murasyn saqtaý. Saıysqa Reseı, Qyrǵystan, Túrkııa jáne Ońtústik Afrıkanyń xoreografııalyq oqý oryndarynyń ujymdary qatysty.
Aıta keteıik, búgingi brıfıngte OKQ resmı ókili Májilis pen Senat depýtattarynyń osy aptadaǵy jumys kestesin jarııalady . Al QR Densaýlyq saqtaý mınıstrliginiń shtattan tys bas transplantology Serik Jaryqov Almaty qalasynda bir búıregin berýge kelisken adamnyń qaıtys bolǵany týraly aqparatty rastady.
