Saýytbek Abdrahmanov: Áýejaıǵa Elbasynyń esimin berý - eldiktiń kelisti kórinisi
«Osyny tamasha sheshim dep baǵalaımyn. Búkil álemde Qazaqstannyń jaqsy aty shyǵyp, ekonomıkamyz qýattanyp, halyqtyń ál-aýqaty artyp, elimizdiń álemdik arenadaǵy bedeli bıiktep turǵanynda, árıne bizdiń Elbasymyzdyń eren eńbegi bar. Jaqynda Táýilsizdiktiń 25 jyldyǵana oraı qabyldaǵan tarıhı Deklaratsııada Parlament Prezıdent Nursultan Nazarbaevtyń osy tarıhı eńbegin belgileý, sondaı-aq eldegi belgili nysandarǵa Elbasynyń esimin berý usynysyn jasaǵan bolatyn. Sol usynysymyzdyń qabyldanǵany óte quptarlyq. Qaı jaǵynan alyp qarasaq ta, bul óte oryndy sheshim»,-dedi depýtat Májilistiń jalpy otyrysynan keıin.
Osy oraıda S. Abdrahmanov álemde nysandarǵa ataqty tulǵalardyń esimin berýge qatysty mysaldar barshylyq ekenin atap ótti.
«Tek qana memleket basshylarynyń qurmetine atalǵan áýejaılardyń óziniń sany 30-dan asady, al tarıhı tulǵalarǵa, belgili kórnekti adamdarǵa arnap qoıylǵan áýejaılar óte kóp. Sondyqtan biz ony eldiktiń kelisti kórinisi dep qýanyshpen qabyldap otyrmyz»,-dep atap ótti depýtat.
Budan buryn habarlanǵandaı , Astana áýejaıy «Nursultan Nazarbaev halyqaralyq áýejaıy» bolyp ataldy.