Saýytbek Abdrahmanov Aral aýdanynyń aktıvimen júzdesti
QYZYLORDA. QazAqparat-Jańa jyldyń alǵashqy jumys kúninde QR Parlamenti Májilisiniń depýtaty, fılologııa ǵylymdarynyń doktory Saýytbek Abdrahmanov Aral aýdanynyń aktıvimen kezdesti, dep habarlady «QazAqparat» HAA tilshisi aýdan ákimdigine silteme jasap.
Basty maqsat -Elbasy N.Nazarbaevtyń dástúrli jyl saıynǵy Jodaýynan týyndaıtyn sharalardy halyqqa nasıhattaý, Parlament qabyrǵasynda atqarylyp jatqan jumystardy, qabyldanǵan zańdar men aldaǵy ýaqytta depýtattardyń nazaryna usynylatyn jobalar tóńireginde eldi habardar etý.
Arnaıy basqosý barysynda Májilis depýtaty aýdan jurtshylyǵyna degen izgi nıetin, aqjarma lebizin bildirip, óz sózin Araldyń sonaý qıyn kezeńderinen bastady. Sodan bergi Táýelsizdik jyldary tutas elimizdiń, sonyń ishinde Aral aýdanynyń jetken jetistikterin tilge tıek etip, atalmysh jaqsylyqtardyń basy-qasynan tabylyp, tikeleı qoldaý kórsetken Elbasynyń eńbegin erekshe baǵalady.
Kezdesý barysynda jıynǵa qatysýshylar tarapynan birqatar máseleler aıtylyp, talqylandy.
