Saýyqtyrý baǵdarlamasyna qosylatyn bıznes sýbektilerine qatysty sheshimdi Saýyqtyrý keńesi qabyldaıdy - B. Jámishev
ALMATY. 10 maýsym. QazAqparat /Erlik Erjanuly/ - «Daǵdarystan keıingi qalpyna keltirý baǵdarlamasyna» kásiporyndardy engizýdiń irikteý rásimi eki kezeńge sozylmaq.
Bul búgin Almatyda ótip jatqan «Daǵdarystan keıingi qalpyna keltirý baǵdarlamasy» (Básekege qabiletti kásiporyndardy saýyqtyrý) dep atalatyn dóńgelek ústel jıynynda aıtyldy.
QR Qarjy mınıstri Bolat Jámishevtiń aıtýynsha, baǵdarlamaǵa memleket, ulttyq basqarýshy holdıngter, ulttyq holdıngter, ulttyq kompanııalar qatysatyn zańdy tulǵalar men olar baqylaıtyn zańdy tulǵalar jáne shet elder qatysatyn zańdy tulǵalar qatysa almaıdy. Ený múmkindigi 2011 jylmen shektelip otyr. Іrikteýdiń 1-kezeńi joǵaryda atalǵan krıterıılerge sáıkestikti rastaıtyn qujattardy jınaý bolyp tabylady. Ol salalyq memlekettik organdardyń tıisti qorytyndylardy berýi arqyly júzege asyrylady.
«Kórsetilgen ólshemder boıynsha irikteýden ótken kásiporyndar kásiporynnyń saýyqtyrý josparyn ázirleý úshin kredıtorlar komıtetimen tańdalǵan keńesshilerdi tarta alady. Memleket tarapynan Keńesshi qyzmetteriniń qunynyń 50 paıyzdyq mólsheri qarjylandyrylady. Biraq onyń kólemi bir qatysýshy úshin 35 mln. teńgeden aspaýy kerek. Al Saýyqtyrý jospary menshik ıesi, kredıt berýshiler, onyń ishinde memleket tarapynan kásiporynnyń tólem qabilettigin qaıta qalpyna keltirý boıynsha sharalardan turýy tıis jáne áleýetti qatysýshylardyń qatysýymen Kredıtorlar keńesimen bekitilýi tıis. Bul rette menshik ıeleri jáne onyń kredıtorlary memleketpen qatar kásiporynǵa kólemi jaǵynan mólsherles qoldaý kórsetýi qajet», - deıdi Bolat Jámishev. Ondaǵy memlekettik qoldaýlar: qaryz nemese lızıngtik operatsııalar boıynsha paıyzdyq mólsherlemeni jáne Qazaqstan qor bırjasynda ornalastyrylǵan oblıgatsııalar boıynsha kýpondy sýbsıdııalaý bolyp otyr. Onyń merzimi - 5 jyl, mólsheri - jylyna 7 paıyzdy quramaq. Salyq jáne bıýdjetke tólenetin mindetti tólemderdi tóleý merzimin 3 jylǵa deıin uzartý, salyqtyq preferentsııalar berý. Strategııalyq ınvestor izdeýge kómektesý. 4 jylǵa deıingi merzimge kepildendirilgen tapsyrys berý. Olardyń kásiporyndy saýyqtyrýdaǵy qatysý dárejesin eskere otyryp, kvazımemlekettik sektor sýbektileriniń aqsha qarajatyn ekinshi deńgeıli bankterdegi depozıtterge ornalastyrý boıynsha sharalar qoldaný bolyp tabylady.
«Іrikteýdiń 2-kezeńi Premer-Mınıstr basqaratyn Saýyqtyrý jónindegi keńestiń áleýetti ónim berýshini saýyqtyrý josparyn qaraý bolyp tabylady. Bul táýelsiz keńesshi ázirlegen jáne Kredıtorlar komıtetimen bekitilgen kásiporynnyń belgili bir rentabeldi deńgeıge qol jetkizýine járdemdesetin jáne belgilengen merzimde qaryzdar men kredıtter boıynsha bereshekti óteýdi qamtamasyz etetin sharalar kesheni bolmaq. Kásiporyndar 1-kezeńniń qorytyndysy boıynsha jınalǵan qujattar men kredıtorlar komıteti bekitken Saýyqtyrý josparyn Saýyqtyrý jónindegi keńestiń jumys organy bolyp tabylatyn QR Qarjy mınıstrligine tapsyrady», - deıdi B. Jámishev. Mınıstrdiń sózine qaraǵanda, olar ony menshik ıesi, kredıt berýshiler men memleket tarapynan qoldaý sharalarynyń tepe-teńdigin baǵalaý, tıimdilik bóligine taldaý júrgizedi. Júrgizilgen jumys qorytyndysy boıynsha áleýetti qatysýshynyń dosesin qalyptastyryp, Saýyqtyrý keńesiniń qaraýyna Baǵdarlamaǵa qosý ne qospaý týraly sheshimdi qabyldaý úshin joldaıdy.
