Saýsaqtaryńyz saýlyǵyńyz týraly syr shertedi
ASTANA. 22 jeltoqsan. QazAqparat - Kózge, qolǵa, alaqan men saýsaqtaǵy ózgeristerge qarap ta densaýlyǵyńyzdaǵy ózgeristerdi anyqtaýǵa bolady. Emshisi, dáriger bolsyn, jalpy kóziqaraqty shıpager qaýymnyń kádege jaratyp júrgen bul belgileri qalaı, qaısysy qandaı «habar aıtady», zer salyp kóreıik.
Qolyńyz qysy-jazy bir jylymaıtyn bolsa onda aıaq-qoldaǵy qan aınalymynyń buzylǵany.
Qos alaqanyńyz shoqqa qaqtaǵandaı únemi lapyldap, qyzyp júrse baýyrdyń ýytqa qarsy «qaıratynyń» kemı bastaǵany.
Alaqanyńyz qaraptan-qarap tership, dymdanyp, áıtpese qurǵap, bozaryp júrse qalqansha bez jumysyndaǵy aqaýdyń saldary.
Qolyńyzdyń terisi aq jarǵaqtanyp, sydyrylyp túse bastasa tánińizde A dárýmeni men D dárýmeniniń tapshy bolǵany.
Shynashaǵyńyz aýyq-aýyq jansyzdanyp qalǵandaı seziletin bolsa, júrek-qan tamyry júıeńizde aqaý bar.
Aýyq-aýyq jansyzdaný úlken saýsaqtardan baıqalsa, tynys jolyndaǵy keseldiń habarshysy.
Saýsaqtyń eń tómengi, ıaǵnı alaqanǵa ushtasqan tusyndaǵy býynǵa tereń, kólbeý ájimder tússe sýsamyrǵa (qant quramynyń artyqtyǵyna) shaldyǵýyńyz ǵajap emes.
Saýsaqtaryńyzdyń ushy qan qyzyl túske ense baýyr men búırektegi keseldi ańǵartady.
Oń qoldaǵy suq saýsaq ushynyń eki qaptaly dýyldap qyshı berse, toq ishegińizdi bir teksertip alyńyz.
Suq saýsaqtyń ishki jaǵy aqjarǵaqtanyp terisi túleı berse ót qaltasy jumysynyń buzylǵany.
Qolyńyz qımyldaǵanda bilegińiz syqyrlasa kaltsıı tapshylyǵynyń belgisi. Alaqan men saýsaqtaǵy bul ózgerister, árıne, aýrýyńyzdy ózińiz anyqtap, ózińiz em izdeýińiz úshin emes, desede, dárigerge kórinip, tekserilýińizge naqty sebeptiń bolǵanyn ańǵartady, dep jazady massaget.kz.
