Saýsaq izin tapsyrý erikti bolady – ІІM

Іshki ister mınıstriniń orynbasary Sáken Sársenov jeke kýálik alar kezde saýsaq izin tapsyrý sharasy erikti bolatynyn aıtty, dep habarlaıdy Kazinform agenttigi. 

Onyń sózinshe, saýsaq izin tapsyrý shekaradan ótken sheteldikterge ǵana mindetti bolmaq.

«Iá, sondaı sheshim qabyldandy. Zań jobasyna ózgerister engizilip jatyr. 2024 jyldyń birinshi qańtarynan bastap azamattardyń saýsaq izin erikti negizde tapsyrýyn erikti etý máselesi qaralyp jatyr. Sheteldikterge bul mindetti. Al ishki qujattandyrý kezinde bul shara erikti negizde bolady», - dedi Sáken Sársenov.

Buǵan deıin 2024 jyldyń 1 qańtarynan bastap pasport pen jeke kýálikti rásimdeý kezinde azamattardan saýsaq izi alynatyny týraly habarlanǵan bolatyn.