Saýsaǵynan saqınasyn shyǵara almaǵan oqýshy qutqarýshylarǵa júgindi
SARAN. QazAqparat - Qutqarýshylar 16 jastaǵy jasóspirimniń saýsaǵynan saqınany sheshti. Saýsaq isingendikten saqınadan shyqpaı qalǵan, dep habarlaıdy QazAqparat.
Tótenshe jaǵdaılar mınıstrliginiń málimetine súıensek, oqıǵa keshe tústen keıin bolǵan.
TJD-ǵa Saran qalasynyń ortalyq aýrýhanasynan 10-synyp oqýshysy saqınany sheshe almaı qalǵany jáne qutqarýshylardyń kómegi qajet bolǵany jaıly habar túsken. Belgili bolǵandaı, saqına 5 kún buryn taǵylǵan jáne basynda ońaı alynyp, salynǵan. Biraq keıinnen bala ózdiginen sheshe almaǵan.
Saqınany alyp tastaýǵa ártúrli áreketter jasaldy, tipti bolgarkamen kesýge tyrysqan, alaıda sonyń saldarynan saýsaq terisin jaraqattap alǵan. Nátıjesinde saýsaq odan da qatty isinip ketken.
Qutqarýshylar quraldyń kómegimen jasóspirimniń isingen saýsaǵynan saqınany shyǵardy.
