SAÝRYQ BATYR

Saýryq Ystambekuly (1814-1854) - batyr, bı. Uly júz Shapyrashty taıpasynyń Esqoja rýynan shyqqan. Qarasaı batyrdyń altynshy urpaǵy. Q

Qazirgi Almaty oblysy Jambyl aýdany Saýryq batyr aýylynda dúnıege kelgen. Qazaq halqynyń ult-azattyq qozǵalysynyń qoldaýshylarynyń biri Saýryq Ystambekuly nemere aǵasy Suranshy batyrmen birge Jetisýdy Іlege deıin bılegen Qoqan hanynyń ezgisine qarsy shyǵyp, jergilikti halyqtan jasaq qurdy.

1853 jyly Sarykemerde Tileýqabyl rýlaryn shapqan qoqandyqtarǵa qarsy bolǵan urysqa talaı shaıqastarǵa Saýryq batyr da belsene qatysyp, erlik kórsetken.

1984 jyly qyrǵyz manaby Ormannyń áskerilerine shabýyl jasap, toıtarys bergen. Ol Reseıdiń Jetisýdy jaýlap alý saıasatyna narazylyq tanytýshylardyń da aldyńǵy qatarynda turyp, orys áskerleriniń Toıshybek bekinisine shabýylyna ashyq qarsylyq bildirdi.

Derekterge qaraǵanda Qaraqystaq ózeniniń tómengi saǵasynda Saýryq batyrdyń bekinisi bolǵan. Bekinis tórtburyshty, qalyń qabyrǵaly bolyp kelgen. Qabyrǵalarynyń uzyndyǵy 75 metr, al ishki aýdanynyń jalpy kólemi 562 m² bolǵan.

Saýryq batyr el arasyndaǵy daý-damaıdy boldyrmaýǵa kúsh salyp, qazaq-qyrǵyz halyqtarynyń tatý kórshilik bas qosqan jıyndaryna belsene atsalysqan.Saýryq batyr qyrǵyzdarmen soǵys kezinde qaza tapqan. Batyrdyń erligi týraly halyq poemalarynda, ańyzdar jyrlanǵan.

Saýryq batyr Ystambekulyna Súıinbaı Aronuly, Jambyl Jabaevtar jyr tolǵaǵan.

Almaty oblysy Jambyl aýdanyndaǵy aýyl - aýdan ortalyǵy Saýryq batyrdyń esimimen atalady.

Derek kózi:

Qazaqstan ulttyq entsıklopedııasy, 7 tom