Sáýirdiń sońy men mamyrdyń basyna aýa raıy boljamy jasaldy
ASTANA. KAZINFORM – «Qazgıdromet» osy apta men mamyr aıynyń alǵashqy kúnderine el aýmaǵyndaǵy aýa raıyna boljam jasady.
«Sınoptıkalyq boljamǵa sáıkes, aldaǵy aptada elimizdiń basym bóliginde jaýyn-shashyn kútiledi. Ásirese aptanyń ortasyna qaraı Soltústik óńirlerde nóser jaýyn boljanyp otyr. Shyǵys jáne Soltústik Qazaqstanda túnde jańbyr qarǵa ulasýy múmkin. Osy aptanyń sońyna qaraı, elimizdiń basym bóliginde aýa temperatýrasynyń tómendeýi kútiledi. Batysta, ońtústik jáne ońtústik shyǵysta 25-30 gradýstan 15-20 gradýsqa deıin tómendeıdi. Al soltústik, shyǵys jáne ortalyq óńirlerde aýa raıy kúndiz 5-13 gradýsqa, túngi ýaqytta 1-6 gradýsqa deıin tómendeıdi dep boljanýda», - dedi «Qazgıdromet» RMK uzaq merzimdi aýa raıy boljamy basqarmasynyń basshysy Juldyz Isabekova mekemede ótken brıfıngide.
Mamannyń aıtýynsha, mamardy basynda el aýmaǵynyń basym bóliginde jańbyr kútiledi.
«Jańbyrmen qosa jel kútiledi, sonyń áserinen aýa temperatýrasy tómendeıdi. ıAǵnı sáýirdiń sońǵy kúnderi kún jylynyp, mamyrdyń basynda qaıta sýıdy. Sondaı-aq, jalpy mamyrda joǵary temperatýra boljanyp otyr, elimizdiń ońtústik óńirlerinde aýa raıy keı kúnderi 35-40 gradýsqa al soltústik, shyǵys jáne ortalyq óńirlerde 25-35 gradýs ystyq kútiledi. Ystyq kúnderi jaýyn-shashynmen aýysyp otyrady. Sondyqtan soltústik aımaqtarda aýa temperatýrasy túnde úskirikke aınalýy múmkin», - deıdi ol.
Sondaı-aq, «Qazgıdromet» ókili mamyrda elimizde aýa raıynyń qubylmaly bolatynyn aıtty.
