Sáýirde memlekettik shyǵyndy tsıfrlyq teńgege kóshirýdiń jospary bekitiledi
ASTANA. KAZINFORM – Qazaqstan 2026 jyly retteletin krıpto-naryǵy bar elderdiń qataryna qosylady. Ulttyq banktiń qarjy naryǵyn retteý baǵytyndaǵy bıylǵy josparynda osyndaı ındıkator bar.
- 2025 jyly Ulttyq tólem júıeleri 1,5 kvadrıllıon teńgeden asa qarajatty óńdedi. Bul – eldegi qolma-qol aqshasyz aınalymnyń shamamen 90%-y. Bankaralyq QR-tólemder men aýdarymdardy júrgizý úshin mobıldi tólemder júıesi iske qosyldy. Júıege ekinshi deńgeıli 10 bank qosyldy, qalǵan bankter 2026 jylǵy birinshi jartyjyldyqtyń sońyna deıin qosylady, - dep jazylǵan josparda.
Ulttyq bank málimeti boıynsha, memlekettik satyp alý, sýbsıdııa jáne Ulttyq qordan qarjylandyrý salalaryndaǵy 100-den astam joba tsıfrlyq teńge arqyly qarjylandyrylyp jatyr.
- Tsıfrlyq teńge emıssııasynyń kólemi 330 mlrd teńgeden asty. 2026 jylǵy sáýirde tsıfrlyq teńge bazasynda maqsatty paıdalanýdy baqylaý úshin memlekettik shyǵysty kezeń-kezeńimen aýdarýdyń Keshendi jospary bekitiledi, - dep jazady Ulttyq bank sarapshylary.
Qazirdiń ózinde Ulttyq banktiń retteýshilik synaq alańynda 22 joba iske asyrylyp jatyr.
- Onyń ishinde steıblkoınder men naqty aktıvterdi tokendeý, krıptofıattyq esepteýler, krıpto aıyrbastaýshylar, krıptobırja jáne tsıfrlyq aktıvterdi shyǵarý platformalary bar. Tsıfrlyq aktıvter salasyndaǵy normatıvtik quqyqtyq aktiler kúshine engennen keıin 2026 jylǵy ekinshi toqsanda olardy aýqymdaý, jalpyǵa birdeı belgilengen jumys rejımine kóshirý bastalady, - dep jazylǵan josparda.
Bul Qazaqstan 2026 jyly retteletin krıpto-naryǵy bar elderdiń qataryna qosylady degen sóz.
Buǵan deıin tsıfrlyq teńge alǵash ret eksporttyq jobaǵa baǵyttalǵanyn jazǵan edik.