Sáýirde Kaspıı teńiziniń 3 eldegi sektorynda 15 daq anyqtalǵan

ATYRAÝ. KAZINFORM — Sáýir aıynda Kaspıı teńiziniń Reseı jáne Qazaqstandaǵy sektorynda 15 daq anyqtalyp otyr.

Bul týraly aqparatty «Prozrachnyı Mır na Kaspıı» telegram arnasy taratty.

— Monıtorıng tobynyń 2025 jylǵy sáýirdegi qyzmeti týraly esebi nátıjeleriniń negizinde anyqtalǵan barlyq lastanýdyń biriktirilgen kartasy jasaldy. Teńizde 54 radıolokatsııalyq túsirilim kórinisinde jalpy aýdany shamamen 32 sharshy shaqyrym bolatyn 15 daq anyqtaldy, - dep habarlady telegram arnasy. 

Onyń ishinde 8 jaǵdaı Kaspıı teńiziniń Reseı aýmaǵyndaǵy sektorynda tirkelgen. Onyń jalpy aýdany — 13,4 sharshy shaqyrym. Al, qazaqstandyq bóliginde 5 jaǵdaı (jalpy aýdany 17,6 sharshy shaqyrym) anyqtalǵan. Sondaı-aq, sý aıdynynyń ázerbaıjandyq sektorynda 2 jaǵdaı (jalpy aýdany 1 sharshy shaqyrym) tirkelip otyr.

Eske sala ketelik, budan buryn mamyrdyń basynda Kaspıı jaǵalaýynda 88 ıtbalyqtyń óleksesi tabylǵany habarlanǵan edi.