Saýranda sý tasqynyna baılanysty mektep oqýshylary onlaın oqýǵa kóshti

TÚRKІSTAN. QazAqparat - Saýran aýdanynda kóshelerdi tasqyn sý basqandyqtan mektep oqýshylary onlaın oqýǵa kóshti, dep habarlaıdy QazAqparat tilshisi.

Túrkistan oblysy adamı áleýetti damytý basqarmasy baspasóz qyzmetiniń málimetinshe, ázirge 7 mekteptiń oqýshylary onlaın oqýǵa kóshken.

Oqýshylar joldar ashylyp, sý tasqyny toqtap, jaǵdaı turaqtalǵanǵa deıin qashyqtan oqytý formatynda bilim alady.

Qazir aýdanda tasqyn sýdyń arnasyn burý, aýlalar men kóshelerdi sýdan tazartý jumystary júrip jatyr.

Bul baǵytta tótenshe jaǵdaılar departamentiniń 56 qyzmetker, 10 tehnıka, 20 motopompa jumyldyrylǵan.

Sonymen qatar, kóshelerdi, úılerdiń aýlalaryn sý basý faktisine baılanysty TJD jedel jelisi iske qosylyp, turǵyndar tarapynan habarlama túsken jaǵdaıda shuǵyl is-sharalar atqarylyp jatyr.

Aıta keteıik, tańerteń jaýǵa nóser men qardyń erýi saldarynan Túrkistan oblysyndaǵy Saýran aýdanynda birneshe eldi mekendi sý basqan bolatyn.