Saýran aýdanynda halyqqa quqyqtyq keńes berý isi jaqsy jolǵa qoıylǵan
TÚRKІSTAN. KAZINFORM - Búginde quqyq buzýshylyq profılaktıkasy qaı óńirdiń bolmasyn kún tártibinde tur. Atalǵan baǵytta Saýran aýdanynda birqatar júıeli jumys júzege asyp keledi.
Jalpy Saýran aýdanyna qarasty 12 aýyldyq okrýgte qoǵamdyq qaýipsizdikti qamtamasyz etýde servıstik tásildi engizý jónindegi vedomostvoaralyq toptyń músheleri jergilikti turǵyndarymen kezdesýler ótkizip, túsindirme jumystaryn júrgizilip keledi. Іs-sharalardy atqarý barysynda SARA modeliniń skanerleý kezeńin júzege asyrady. Munda eń aldymen jan-jaqtama aqparattar jınalady. Jınaqtalǵan málimettermen Shornaq eldi mekeni týraly sońǵy statıstıkalyq málimetter, eldi mekenniń kartasyn shyǵarý jáne ondaǵy qyzyl aımaqtardy belgileý jumystary júrgiziledi.
Búginde aýdanda halyqtyń quqyqtyq mádenıetin kóterý maqsatynda kóptegen jumystary atqarylýda. Atap aıtar bolsaq, aýdannyń polıtsııa qyzmetkerleri turǵyndar arasynda quqyq buzýshylyqtyń, alaıaqtyq qylmystardyń aldyn alý maqsatynda túsindirme jumystaryn júrgizip jatyr. Sondaı-aq, aýdandyq bilim berý mekemelerinde «Jolda júrý erejeleri», «Jasóspirimder arasynda qylmys pen quqyq buzýshylyq», «Sportqa baýlý» taqyrybynda kezdesýler jıi uıymdastyrylyp otyr.
Osyǵan deıin sybaılas jemqorlyqqa qarsy komıssııa otyrystarynda qurylys, jer qatynastary salalaryndaǵy sybaılas jemqorlyqtyń jaı – kúıi, taýarlardy, jumystardy jáne kórsetiletin qyzmetterdi memlekettik satyp alý salasyndaǵy sybaılas jemqorlyqtyń jaı-kúıi týraly, densaýlyq saqtaý salasyndaǵy sybaılas jemqorlyqtyń jaı-kúıi jáne atqarylyp jatqan jumystar sekildi ózekti máseleler talqylandy.
Al, quqyq buzýshylyq profılaktıkasy komıssııa otyrystarynda da ózekti máseleler kún tártibinen túsken emes. Máselen, ultaralyq qaqtyǵystarǵa jol bermeý, otbasy-turmystyq qarym-qatynastar salasyndaǵy quqyq buzýshylyqtyń aldyn alý, kámeletke tolmaǵandar arasynda qylmystar, jol kólik oqıǵalarynyń profılaktıkasy syndy máseleler qaralýda. Odan bólek, Saýran aýdanynda qoǵamdyq qaýipsizdikti qamtamasyz etýde servıstik tásildi engizý jóninde birshama jumystar júzege asyp jatyr. Bul baǵytta aýdan turǵyndarymen kezdesýler ótkizilip, túrli saýalnamalar júrgizilgen.
Sonymen qatar bıylǵy jyly «Qazaqstan Respýblıkasynyń sybaılas jemqorlyqqa qarsy is-qımyl agenttiginiń bastamasymen aýdan aýmaǵynda «Halyq zańgeri» naýqany ótkizildi.
Aktsııanyń maqsaty – halyqtyń quqyqtyq saýattylyǵyn arttyrý jáne tegin zań kómegin kórsetý. «Halyq zańgeri» – Qazaqstannyń barlyq qalalary men negizgi eldi mekenderinde ótkiziletin respýblıkalyq aktsııa. Bul baǵdarlama aıasynda árbir turǵyn sheshimin tappaı júrgen daýly máseleleri boıynsha naqty quqyqtyq keńesterin ala alady. Al keıbir máselelerde medıatsııa tásilderi júzege asady.
Saýran aýdanynda ótken shara barysynda QR memlekettik organdarynyń ókilderi, zańgerleri men qorǵaýshylary turǵyndardy qabyldap, tegin zań kómegin kórsetti. Atalǵan aktsııaǵa aýdan ákimi apparatynyń basshysy, ádep jónindegi ýákili B.Polatov pen qatar ózge de memlekettik mekeme basshylary, quqyq qorǵaý organdarynyń qyzmetkerleri men QR eńbek jáne áleýmettik qorǵaý mınıstrligine qarasty eńbek jáne áleýmettik qorǵaý komıtetiniń Túrkistan oblysy boıynsha departamentiniń bas mamany Mereı Maratuly, memlekettik sot oryndaýshy Almas Seıtov, sot oryndaýshy Nurjan Tileýbergenuly qatysyp, aýdan turǵyndaryna kótergen máseleleri boıynsha tegin quqyqtyq keńester berdi.
Jalpy halyqqa quqyqtyq kómek berý maqsatynda aýdan kóleminde túrli sharalar ótip keledi. Oǵan dálel, Zań bóliminiń uıymdastyrýymen aýdan ákiminiń apparat basshysy tóraǵalyǵymen memlekettik qyzmetshilerge, aýdan turǵyndaryna, kásipkerlerge, kvazımemlekettik sektor basshylaryna sybaılas jemqorlyqtyń aldyn alý týraly tıisti túsindirý jumystary turaqty júrgizilip otyrady. Sondaı-aq, bul iske ózge de memlekettik mekemeler atsalysýda. Máselen, Saýran aýdandyq «Jastar resýrstyq ortalyǵy» KMM-niń uıymdastyrýymen «Sybaılas jemqorlyqpen birge kúresemiz!» atty 4 dóńgelek ústel, jastar arasynda sybaılas jemqorlyqtyń aldyn alý maqsatynda 6 kezdesý ótkizilip, profıklaktıkalyq jumystar júrgizildi.
Balalardyń ómiri men densaýlyǵynyń qaýipsiz bolýy memlekettiń nazarynda. El kóleminde kámeletke tolmaǵandardyń quqyǵyn qorǵaý jumystary kún tártibinde tur. Bul baǵytta Saýran aýdany apparatynyń Zań jáne quqyq qorǵaý organdarymen jumys bóliminiń uıymdastyrýymen «Kámeletke tolmaǵandardyń isteri jáne olardyń quqyqtaryn qorǵaý jónindegi» komıssııanyń otyrysy josparǵa saı ótip keledi. Jıynda jasóspirimder arasyndaǵy qylmys pen quqyqbuzýshylyqtyń aldyn alý máseleleri qaralýda.
Jalpy óńirde kámelet jasyna tolmaǵan balalardyń arasyndaǵy quqyqbuzýshylyq derekteri tómendegen. Negizinen kámeletke tolmaǵandar arasyndaǵy quqyq buzýshylyqtardyń aldyn alý jáne jolyn kesý maqsatynda «Jasóspirim», «Túngi qaladaǵy balalar», «Jasóspirim jáne jaýapkershilik» atty jedel profılaktıkalyq is-sharalary ótkizilip keledi.
Sonymen birge nashaqorlyqqa jáne esirtki bıznesine qarsy kúres jónindegi komıssııa otyrysyda turaqty uıymdastyrylýda. Sondaı-aq kámeletke tolmaǵandar arasynda qylmys pen quqyqbuzýshylyqtyń, erte júktiliktiń jáne ózine-ózi qol jumsaýdyń aldyn alý jumystaryn kúsheıtý máseleleri keńinen talqylanyp jatyr.