Sáýir aıynda Mońǵolııaǵa 64 597 týrıst saparlaǵan
ASTANA. KAZINFORM — Mońǵolııaǵa keletin sheteldik týrıster sany turaqty ósip, eldiń týrızm salasy qarqyndy damýyn jalǵastyryp jatyr, dep habarlaıdy Montsame.
Statıstıkalyq málimetterge sáıkes, 2026 jyldyń alǵashqy tórt aıynda Mońǵolııaǵa 208 028 sheteldik týrıst kelgen. Bul kórsetkish ótken jyldyń osy kezeńimen salystyrǵanda 35 paıyzǵa nemese 54 260 týrıstke artyq.
Olardyń ishinde tek sáýir aıynyń ózinde elge 64 597 týrıst kelgen. Bul 2025 jyldyń sáýirimen salystyrǵanda 26 paıyzǵa kóp.
Týrıstik maýsymnyń bastalýyna baılanysty Mádenıet, sport, týrızm jáne jastar isteri mınıstrligi men oǵan qarasty uıymdar qyzmet kórsetý sapasyn arttyrýǵa, otandyq týrıstik qyzmetterdi halyqaralyq deńgeıde belsendi nasıhattaýǵa jáne týrıstik aımaqtardyń ınfraqurylymyn damytýǵa erekshe nazar aýdaryp otyr.
Budan buryn 2026 jyly Mońǵolııaǵa keletin týrıster sany 14,8%-ǵa artqany belgili boldy.
