Sáýir aıynda Ispanııa men Portýgalııada bolǵan blekaýt sebepteri anyqtaldy

ASTANA. KAZINFORM — Elektr jelisindegi kerneýdi baqylaý úshin qýattyń jetispeýshiligi 28 sáýirde Ispanııa men Portýgalııada elektr qýatynyń jappaı sónýi tizbekti reaktsııaǵa sebep boldy, dep habarlaıdy Reuters.

Maýsymnyń 17 kúni jarııalanǵan tergeý esebine sáıkes, keıbir elektr stantsııalary blekaýtqa birneshe mınýt qalǵanda jelidegi kerneýdi retteı almaǵan.

Aagesenniń aıtýynsha, «júıeniń dınamıkalyq kerneýdi basqarýǵa jetkilikti múmkindikteri bolmady».

Ol elektr stantsııalary «kerneýdi baqylaýy kerek edi jáne olardyń kópshiligi bul úshin ekonomıkalyq syıaqy alatynyn» atap ótti. Saldarynan olar ádetten tys joǵary kerneý jaǵdaıynda kútiletin barlyq reaktıvti qýatty sińire almady. Aagesenniń aıtýynsha, tergeý kıbershabýyldyń eshqandaı dálelin tappady.

Sáýir aıynyń sońynda Ispanııanyń Joǵarǵy soty elektr qýatynyń jappaı óshýi kıbershabýyldyń saldary ekenin anyqtaý úshin tergeý bastalǵanyn habarlady. Sýdıa Ulttyq kıberqaýipsizdik agenttigi men elektr jelileri operatoryna «kıberterrorızm qarastyrylyp jatqan nusqalardyń biri» ekenin atap ótip, blekaýt sebepteri týraly esep berýdi buıyrdy. Sondyqtan is qupııa túrde júrgizildi.

Keń aýqymdy blekaýt Pıreneı túbeginiń úlken bóligi men Frantsııanyń bir bóligine áser etti. Blekaýt kezinde Ispanııanyń atom elektr stantsııalary jabylyp, búkil temirjol ınfraqurylymy toqtap qaldy. Blekaýttan kelgen ekonomıkalyq shyǵyn 2,25 mıllıard eýrodan 4,5 mıllıard eýroǵa deıin bolýy múmkin.

Eske sala keteıik, Frantsııada blekaýt kezinde myńdaǵan úıler men Kann kınofestıvali jaryqsyz qalǵany jaıly jazǵan edik.