Saýndtregin Danelııa Tóleshova oryndaıtyn jańa otbasylyq komedııa prokatqa shyǵady
ASTANA. QazAqparat - Naýryz meıramy qarsańynda rejısser Rýslan Akýn otbasymen kórýge arnalǵan tartymdy da qyzyqty «Offlaın kanıkýl» atty komedııasyn halyq nazaryna usynady, dep habarlaıdy QazAqparat tilshisi Astana Film Fund-qa silteme jasap.
21 naýryzda fılm bir mezgilde Qazaqstannyń barlyq qalalarynda prokatqa shyǵady. Kartına Almaty men Jambyl oblystarynyń tabıǵaty sulý jerlerinde túsirilgen. Fılmniń resmı saýndtregin Ýkraınadaǵy «Golos. Ditı» jobasynyń jeńimpazy, «Eurovision Junior» jáne AQSh-taǵy «The World's Best» baıqaýynyń qatysýshysy Danelııa Tóleshova oryndaıdy.
«Eresek kásipqoı akterlarmen qatar fılmge balalar da tústi. Basty rólderdi Meıirǵat Amangeldın, Bekzat Eleýsizov, Elaman Esentaev, Ermurat Mentaev, ıAsmın Nurmaqova, Maǵjan Hamıt, Kamıllı Bolat, Arlan Nurtaev, Ajar Esenbaı oınady. Lenta jarasymdy ázilderge jáne kúlkili dıalogtarǵa toly. Ony túsirý jolynda «Brat ılı Brak» jáne «V poıskah mamy» atty tanymal komedııalardy shyǵarǵan Jenısh Maırambek ýýlý, Bakýt Osmonkanov jáne Alısher Ýtev eńbek etti», - delingen habarlamada.
Sıýjet óz kásibin bastaý týraly sheshimge kelgen úsh dostyń - stýdentterdiń oqıǵasyna qurylǵan. Olar qala balalaryna arnalǵan biregeı etnolager ashady. Onda kelgen uldar men qyzdar gadjettermen qosh aıtysyp, ózderi úshin beıtanys ári jańa álemge enedi.
«Bul - búkil otbasyǵa arnalǵan kıno. Qazirgi kezde balalarǵa arnalǵan sapaly kontent tapshy. Balalarǵa bizdiń dástúrimiz, mádenıetimiz, ulttyq oıyndar, týǵan eldiń turmys salty týraly qyzyqty nysanda áńgimeleıtin fılmder joq. Esesine sheteldik mýltfılmder, alýan túrli basqa sheteldik anımatsııa ásirese YouTube jelisinde óte kóp», - deıdi prodıýser Ernar Qurmashev.
