Sáýletshiler odaǵynyń basshysy Shymkentte ıppodrom ornyna úıdiń salynýyn synady
Onyń sózinshe, BI Group qurylys kompanııasy salyp jatqan úıdiń jobasy eshqandaı saraptamadan ótpegen.
«Sáýlet salasynda qordalanǵan máselelerdiń mysalyn búkil respýblıka boıynsha keltirýge bolady. Shymkentte de negizgi problemalar bar. Esterińizde bolsa, shymkenttikter men BI Group-tiń arasynda eski ıppodromǵa qatysty daý týyndaǵan edi. Qala jurty tarıhı nysanǵa tipti qol tıgizýge túbegeıli qarsy boldy. Biraq qoldarynan eshteńe kelmedi. Óıtkeni búgingi tańda Qoǵamdyq keńes degen bar. Bul Qoǵamdyq keńester osy sııaqty máselelerdi tıimdi sheshýdiń quralyp bolyp ketken. «Iá, bizdiń azamattarǵa únemdi baspana kerek. Arzan baspana neǵurlym kóp bolsa, halyqqa soǵurlym jaqsy» degen ustanymdy tyqpalady. Biraq ol qurylystyń jobasy eshqandaı saraptamadan ótpegen. Soǵan qaramastan salynyp jatqany kóńilge keledi», - dedi odaq basshysy.
Serik Sultanǵalı ózi synap otyrǵan nysannyń basynda bolǵanyn aıtady.
«Men Shymkentte boldym, ol bıik úılerdi kórdim. Qalanyń basqa bóligimen úılesim de taýyp turǵan joq. Osynyń bárin óz atymen atasaq, tek kóbirek baspana salyp, kóbirek aqsha tapsa boldy», - dedi Qazaqstan sáýletshiler odaǵynyń prezıdenti.
Buǵan deıin Nur-Sultan qalasynyń sáýlettik qurylysyn josparlaý erejesi bekitilgenin habarlaǵan edik.
