Sáýletshi elordany kúmbezben jabýdy usyndy
ASTANA. 31 qazan. QazAqparat - Astana sáýletshisi Evgenıı Nevelıchkov elordanyń sol jaq jaǵalaýynyń ústine alyp móldir kúmbezdi jabýdy usynýda, dep jazady «Ekspress-K».
Onyń aıtýynsha, bul shara kúrt kontınentaldyq klımattyń qolaısyzdyǵyn joıýǵa kómektesedi.
Sáýletshi osyndaı konstrýktsııany salý salqyn aýa raıynyń problemasyn tolyq sheship, qalaǵa mıllıondaǵan týrısterdi tartýǵa múmkindik beredi degen pikirde. «Osyndaı kúmbez alyp jylyjaıdyń rólin oınaı alady. Astananyń ústinde dıametri bir jarym-eki shaqyrymdyq kúmbezdi salý sol jaq jaǵalaýdyń derlik barlyq basty nysandaryn jabýǵa múmkindik beretin edi. Astana jyl boıy temperatýrasy 20 gradýs jylylyqtan aspaıtyn gúldengen baqqa aınalýshy edi», - dep sendiredi sáýletshi. Nevelıchkonyń esepteýinshe, osyndaı kúmbezdi salýǵa mıllıard dollar jumsalýy tıis.
Osyǵan uqsas jobany amerıkandyq Hıýston qalasynda iske asyrý shamalanyp otyrǵanyn atap óteıik. Bul qurylys alyp qalany daýyldar men ystyqtan qutqarýy tıis. Ol ftorplastıkten jasalǵan bıiktigi jarty shaqyrym jáne dıametri shamamen bir jarym shaqyrym bolatyn úlken kúmbez. Ol qalalyń iskerlik ortalyǵyn, jasyl ósimdikteri men elıtalyq turǵyn úılerin jabady.
