Sáýletshi bolashaqta elordanyń qalaı ózgeretinin aıtty
NUR-SULTAN. QazAqparat –Aldaǵy jyldary elorda turǵyndarynyń sany 2 mıllıonǵa jýyqtaıdy dep kútilip otyr, dep habarlaıdy «Habar 24».
Soǵan sáıkes qalanyń sáýleti men kelbeti aıtarlyqtaı ózgerýi tıis. Ásirese, adamdardyń jaıly ómir súrýine, demalýyna, jumys jasaýyna qajetti ınfraqurylym qalyptastyrý qajet.
Atap aıtqanda, bas qalanyń 3 ortalyǵyn júıeli baılanystyryp, ekonomıkalyq turǵyda barynsha tıimdi qylý maqsaty tur. Bul jóninde tanymal sáýletshi Ashat Sadýov málimdedi.
«Eń basty maqsat – qalany jergilikti turǵyndar men qonaqtarǵa barynsha qolaıly qylý. Ýrbanıstıka ǵylymynyń negizgi baǵyty da osy ǵoı. Osyǵan baılanysty saladaǵy ózekti máselelerdi kún tártibine qoıyp, ony keshendi túrde sheshýge kiristik. Naqty josparymyz bar. Jaqyn bolashaqta ony oıdaǵydaı júzege asyramyz degen senimdemiz», - deıdi Ashat Sadýov.