Sáýletshi Á.Tátiǵulovtyń «Parasat» jáne «Іzgiler izi» atty eki tomdyq kitaby jaryq kórdi
ALMATY. Naýryzdyń 19-y. QazAqparat / Ádilet Musahaev / - Búgin Almatyda Ábdisaǵıt Tátiǵulovtyń 70 jasqa tolý mereıtoıy aıasynda onyń «Parasat» jáne «Іzgiler izi» atty eki tomdyq kitabynyń tusaýy kesildi,
dep habarlaıdy QazAqparat.
Qazaqstanǵa eńbegi sińgen sáýletshi, QR Memlekettik syılyǵynyń laýreaty Shota Ýálıhanovtyń aıtýynsha, bul oıly ári syrly kitap. «Ábekeń AQSh, Túrkııa, Italııa sııaqty kóptegen shetelde bolyp, olardyń sáýlet ónerine nazar aýdaryp, aldyna maqsat qoıa bilgen. Shynaıy ónerdi jan júregimen seziný, adamgershilik qasıettiń alǵy sharty dep atap ótken», deıdi sáýletshi.
Sonymen qatar ol ulylar qataryna jetý úshin basty maqsat bolý kerek dep túıgendigin jetkizdi.
«Іzgiler izi» atty kitapta memleket qaıratkerleri, sáýletshiler, qurylysshylar týraly jazǵandary tek tarıhı derekter demes edim. Bul maqalalarada olardyń keskin-kelbetteri naqty berilgen. Tuńǵysh qazaq sáýletshilerdiń biri Tólen Básenov týraly jazǵandary da naqty ári tujyrymdy», deıdi Sh.Ýálıhanov.
