Sáýle Janpeıisovanyń «Sáýle - saryn» dep atalatyn án keshi bolady
ALMATY. 17 mamyr. QazAqparat /Erlik Erjanuly/ - 17 mamyr kúni Almatydaǵy M.Áýezov atyndaǵy qazaq memlekettik akademııalyq drama teatrynda QR eńbek sińirgen qaıratkeri Sáýle Janpeıisovanyń «Sáýle-saryn» dep atalatyn án keshi ótedi.
Oǵan «Sazgen sazy» folklorlyq-etnografııalyq ansambli, «Aqsaraı» mıýzıkl teatrynyń artısteri jáne Roza Amanova, Elmıra Jańabergenova, Aıgúl Qosanova, Qaraqat Ábildına, Aıgúl Elshibaeva, Ómirqul Aınııazov sııaqty dástúrli án óneriniń sheberleri qatysady. Bul shara Qazaqstan Respýblıkasy táýelsizdiginiń 20 jyldyǵyna arnalyp otyr.
Sáýle Janpeıisova 1966 jyly 14 tamyzda Jambyl oblysy Sarysý aýdanyndaǵy Kalının atyndaǵy keńsharda dúnıege kelgen. Respýblıkalyq estrada-tsırk óneri stýdııasyn, Qazaq ulttyq ýnıversıtetin jáne Almaty konservatorııasyn támamdap, eńbek jolyn 1987-90 jyldary Jambyl oblysy Sarysý aýdanynda muǵalim bolyp bastady. Óner áleminde 1985 jyly «Jiger» festıvalinde, 1988 jyly Ámire Qashaýbaev jáne 1991 jyl Muhıt Meráliuly atyndaǵy baıqaýlarda júldegeri bolyp, «Daryn» syılyǵynyń ıegeri atandy. Reseı, Nıderlandy, Belgııa, Germanııa, Iran, Túrkııa, Mońǵolııa sııaqty kóptegen elderde gastroldik saparlarda bolyp, qazaqtyń dástúrli án ónerin nasıhattap keledi.
