Sáýle Qısyqova: Koronavırýsqa baılanysty qaýip oıdan shyǵarylǵan dep aıtýǵa bolmaıdy
NUR-SULTAN. QazAqparat – Koronavırýs pandemııasynyń qaterine beı-jaı qaraýǵa bolmaıdy. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova málim etti, dep habarlaıdy QazAqparat tilshisi.
«Qala turǵyndarynan áli de saqtaný kerektigin talap etemiz. «Koronavırýs pandemııasy bitti jáne oǵan baılanysty qaýip-qater oıdan shyǵarylǵan» dep aıtýǵa bolmaıdy. Infektsııa qaýpiniń negizgi faktory – adamdardyń kóp jınalýy, túrli sharalarǵa qatysý, maska taǵý rejımi men áleýmettik qashyqtyq saqtamaý, jeke gıgıena talaptaryn oryndamaý», - dedi S. Qısyqova Ortalyq kommýnıkatsııalar qyzmetinde.
Onyń sózine qaraǵanda, qalanyń medıtsınalyq uıymdary qajet kómek kórsetýge tolyq daıyn.
«Biz barlyq usynystar men berilgen keńesterdi oryndaýdy suraımyz. Bul barsha turǵyndar úshin qajet», - dedi basqarma basshysy.
Budan buryn habarlanǵandaı, elordada vırýs juqtyrǵan jalpy 2 620 adam anyqtaldy. Onyń ishinde 270-i bala . 1 829 naýqas nemese 70 paıyzy jazylyp shyqty. Ókinishke qaraı, tolyq kólemde júrgizilgen medıtsınalyq kómekke qaramastan, 14 adam qaıtys boldy.
