Sáýle Dosjanovanyń «Ógeı júregi» orys tilinde shyqty
Kórmege Reseı, Belarýs, Tájikstan, barlyǵy 30-ǵa jýyq memleket óz ónimderin ákeldi. Kórme aıasynda tanystyrylymdar, tusaýkeserler, túrli taqyrypta forýmdar ótti.
Sharalardyń biri - QR eńbek sińirgen qaıratkeri, jazýshy Sáýle Dosjanovanyń «Ógeı júrek» («Moe chýjoe serdtse») kitabynyń tusaýkeseri. Qazaqstan halqy Assambleıasynyń jaýapty qyzmetkeri Názıpa Shanaıdyń jetekshiliginde ótken tanystyrylymǵa QR Parlamenti Májilisiniń depýtattary, QHA músheleri, Ulttyq ǵylymı kardıo-hırýrgııalyq ortalyqtyń dárigerleri, júrek trasplantatsııasy jasalǵan retsepıentter men ǵalymdar jáne kitap súıer oqyrmandar jınaldy.
Atalǵan kitap elimizdiń bas kardıology, Astanadaǵy «Ulttyq ǵylymı kardıohırýrgııa ortalyǵy» AQ Basqarma tóraǵasy Pıa ıÝrıı Vladımırovıchtiń jetekshiligimen júrekti almastyrý operatsııasynyń ótýine 5 jyl tolýyna oraı «Moe chýjoe serdtse» degen atpen «Folıant» baspasynan shyǵaryldy. Kitap demeýshileri - Qazaqstandaǵy koreıler qaýymdastyǵy men QR Parlamenti Májilisiniń bir top depýtattary.
2015 jyly osy baspadan «Ógeı júrek» ataýymen qazaq tilinde jaryq kórgen kitapty orys tilinde sóıletken aýdarmashy - Ǵusman Tóleǵul.
Kitaptyń lentasyn QR Parlamenti Májilisiniń depýtaty, Halyq Qaharmany Baqytjan Ertaev pen «Ulttyq ǵylymı kardıohırýrgııa ortalyǵy» AQ Basqarma tóraǵasy, Qazaqstannyń Eńbek Eri ıÝrıı Pıa kesip, oqyrmandaryna aq jol tiledi.
