Sáýle Aıtpaeva tártipsizdikke boı aldyrǵan azamattardyń analaryna úndeý tastady
NUR-SULTAN. QazAqparat - Senator Sáýle Aıtpaeva elimizde oryn alǵan jaǵdaıǵa baılanysty QR Prezıdenti qabyldaǵan sheshimge qoldaý bildirdi, dep habarlaıdy QazAqparat tilshisi.
«Men elimizdiń Prezıdenti, Qaýipsizdik Keńesi qabyldaǵan, sonyń ishinde UQShU tarapynan kómek kórsetý týraly sheshimderdi qoldaımyn», - dedi Sáýle Aıtpaeva.
Sonymen qatar, depýtat ereýilshilerdiń analaryna júgindi.
«Men turǵyn úıler men bınes mekemelerine shabýyl jasap júrgen jastardyń analaryn balalaryn aqylǵa keltýrge shaqyramyn. Balasyn tek ana ǵana zorlyq-zombylyq áreketten tyıa alady. Al qoıylyp jatqan talaptardy beıbit jolmen sheshýge bolady», - dedi QR Parlament Senatynyń depýtaty.
