Saýl «Kanelo» Alvares promoýteriniń basyna qara bult úıirildi
ASTANA. QazAqparat - Golden Boy Promotions promoýterlik kompanııasynyń bas dırektory Oskar de la Hoııa túrmege túsýi múmkin.
TMZ Sports habarlaýynsha, burynǵy kásibı boksshyǵa mas kúıinde kólik quralyn basqarǵany týraly resmı aıyptaýlar taǵylǵan.
25 qańtarǵa qaraǵan túni polıtseıler joǵary jyldamdyqpen kele jatqan Land Rover avtokóligin toqtatyp, rýlde bolǵan Oskardy ustaǵan. Ony kólikti basqarý kezinde mas boldy dep aıyptaýda. Endi ol alty aıǵa deıin bas bostandyǵynan aıyrylýy múmkin.
De la Hoııa óz aıybyn moıyndap, aıyppul tóleýge kelisim berýi de múmkin. Sondaı-aq, alkogoldiń zııany týraly arnaıy kýrstarǵa, maskúnemderdiń anonımdi kezdesýine barýy yqtımal.
