Saýl Alvarestiń fotosy: Armandar bala kezden bastalady
ASTANA. QazAqparat - Meksıkalyq boksshy Saýl Alvares (49-1-1, 34 KO) óziniń Instagram jelisindegi paraqshasynda bala kezindegi fotosyn jarııalady, dep xabarlaıdy QazAqparat tilshisi.
Fotoda kishkentaı "Kanelo" bylǵary qolǵap kıip, eki qolyn joǵary kóterip tur. "Meniń barlyq fanattaryma - eńbektegen baladan eńkeıgen kárige deıin alǵys aıtamyn! Armandar bala kezinde bastalady - joǵary maqsattarǵa umtyl!", - dep jazdy Alvares osy fotosynyń astyna.
Aıta keteıik, 16 qyrkúıekte orta salmaqtaǵy WBA (Super), WBC, IBF men IBO tujyrymdary boıynsha álem chempıony Gennadıı Golovkın osy meksıkalyq boksshymen kezdesedi. Atalǵan jekpe-jek AQSh-tyń Las-Vegas qalasyndaǵy "T-Mobile" arenasynda ótedi. Ýaqyt aıyrmashylyǵyna baılanysty Qazaqstanda tikeleı efır 17 qyrkúıek kúni tańerteń kórsetiledi.
