Saýl Alvares orta salmaqtaǵy WBC chempıondyq tıtýlyna ıe boldy
ASTANA. QazAqparat - 25 jastaǵy meksıkandyq boksshy Saýl «Kanelo» Alvares (46-1-1, 32 KO) 21 qarashada pýertorıkalyq 34 jastaǵy Mıgel Kottony (40-5,33 KO) jeńip, orta salmaqtaǵy WBC chempıondyq tıtýlyna ıe boldy.
12 raýndqa jalǵasqan jekpe-jekte qazylardyń ortaq sheshimimen meksıkalyq boksshy qarsylasynan upaı boıynsha basym tústi.
Endi Saýl Alvares 15 kúnniń ishinde Gennadıı Golovkınmen judyryqtasýǵa qatysty kelissózderdi bastaýǵa mindetti. Olaı bolmaǵan jaǵdaıda WBC uıymy tıtýldy qazaqstandyq boksshyǵa tartý etedi.
Aıta keteıik, Saýl Alvarestiń jekpe-jektegi kepildendirilgen gonorary bes mıllıon dollardy quraıdy. Onyń qarsylasy, 34 jastaǵy Mıgel Kotto (40-5,33 KO) jekpe-jektiń ózi úshin ǵana 15 mıllıon dollar alady.
