Saýl Alvares: Men Golovkındi nokaýtpen jeńemin
Qazaqstandyq jeńilip kórmegen orta salmaqtaǵy boksshy Gennadıı Golovkın meksıkalyq Saýl Alvarespen 16 qyrkúıek kúni bolatyn jekpe-jekti asyǵa kútýde. «Bizdi qoldap júrgen - bokstyń shynaıy jankúıerlerine alǵys aıtamyn. Árıne, barlyǵy bul aıqasty asyǵa kútýde. Mine, biz daıynbyz. Men óte ashpyn. Men «Kanelonyń» da daıyn ekendigine senimdimin.Bul biz úshin qyzyqty aıqas», - dep atap ótti Gennadıı Golovkın.
«Bul tek biz úshin emes, boks úshin de keremet aıqas bolady. Ár qaısysymyzdyń múmkindigimiz bar. Tamasha shoý kórsetetinimizge senimdimin. Bul - boksshylar shoýy bolyp, kópshilikke joǵary kóńil-kúı syılaıdy degen senimdemiz. Ekeýmiz de - kásipqoı sportshymyz. «Bıg drama shoý» bolatynyna ýáde beremin», - dedi ol.
Gennadıı Golovkınniń tıtýlyna úmitker Saýl Alvares qazaqstandyqty nokaýtpen jeńemin dep esepteıdi. «Men qarsylasymdy nokaýtpen jeńetinime senimdimin. Óıtkeni men 100% daıyn otyrmyn. Ekeýmizdiń de nokaýt protsentimiz joǵary, sondyqtan aldyn ala boljam jasaý qıyn. Bizdiń jekpe-jek nokaýtpen aıaqtalady dep oılaımyn», - dep jaýap qaıtardy Alvares.
Boksshylardşyń aıqasy 16 qyrkúıek kúni Las-Vegasta ótedi. Baspasóz týry London, Nıý-Iork jáne Los-Andjeles qalalarynda ótýde.
