Saýl Alvares: «Qazirgi kezde Golovkınge qatysty esh alańdamaımyn»
ASTANA. QazAqparat - WBC-tyń orta salmaqtaǵy álem chempıony tıtýlynyń ıegeri Saýl «Kanelo» Alvares Gennadıı Golovkınmen jekpe-jek ótkizý ıdeıasynan bas tartpaıdy, alaıda bul týraly qazir oılaýǵa daıyn emes, dep habarlaıdy Sports.kz.
«Qazirgi kezde men Golovkınge qatysty esh alańdamaımyn. Meniń nazarym Ámir Hanǵa tigilip otyr. Golovkınmen «Dallas Kovboız» stadıonynda judyryqtasý ma? Múmkin. Árıne, bul jekpe-jekti qalaımyn. Bul shynymen ótkizgim keletin aıqastardyń biri, biraq qazirgi kezde meniń maqsatym - Han», - degen meksıkalyq sportshynyń sózderin keltiredi LA Times.
