Saýl Alvares Golovkınniń burynǵy qarsylastarymen jekpe-jekke shyǵýy múmkin
ASTANA. QazAqparat - Golovkın - Alvares jekpe-jegin ótkizýdiń egjeı-tegjeıi belgili boldy, dep habarlady Sports.kz.
Jekpe-jek týraly kelissózde nusqalardyń biri jekpe-jek ótkizý ýaqytyn soza túsýge negizdeledi. ıAǵnı, Golovkın men Kanelo jurtshylyqtyń qyzyǵýshylyǵyn arttyra túsý úshin ekeýi kezdespes buryn taǵy úsh-úshten aıqas ótkizedi.
Onda Golovkın WBA nusqasy boıynsha álem chempıony Danıel Djeıbokspen judyryqtasýy tıis. Al Kanelo Lememen nemese Kertıs Stıvenspen kezdesýi qajet. Budan keıin kimmen aıqasatyndary áli belgisiz.
Eger Golovkınniń kózdegeni 160 fýnt dıvızıonynda eń myqty bolý úshin tıtýldy ıelený emes, aqsha bolsa, ol tartysty qyzdyra túsip, Kanelomen aıqasty birden bes jylǵa deıingi ýaqyt aralyǵynda ótkizýge kelisýi qajet. Eger sportty oılap, 160 fýntta tıtýldardy biriktirýdi kózdese, Golden Boy-men kelisip, aıqasty uzaqqa sozbaýǵa kúsh salýy tıis.
