Saýl Alvares: «Golovkınmen dál qazir shyǵýǵa daıynmyn»
ASTANA. QazAqparat - 25 jastaǵy meksıkandyq boksshy Saýl «Kanelo» Alvares (46-1-1, 32 KO) 21 qarashada pýertorıkalyq 34 jastaǵy Mıgel Kottony (40-5,33 KO) jeńgennen keıin, eshkimnen qoryqpaıtynyn jáne qazaqstandyq boksshy Gennadıı Golovkınmen shyǵýǵa daıyn ekendigin málim etti.
«Men eshkimnen qoryqpaımyn. Eger sizder Gennadıı Golovkınmen shyǵýdy qalasańdar, men onymen tap qazir judyryqtasýǵa daıynmyn», - dedi ol rıngte alynǵan suxbat barysynda.
Aıta ketý kerek, Saýl Alvares Mıgel Kottodan orta salmaqtaǵy WBC tıtýlyn tartyp aldy. WBC erejesi boıynsha Saýl Alvares 15 kúnniń ishinde orta salmaqtaǵy kóshbasshy Gennadıı Golovkınmen judyryqtasýǵa qatysty kelissózderdi bastaýy qajet. Bul mindetti oryndamasa, WBC uıymy tıtýldy tartyp alyp, qazaqstandyq boksshyǵa beredi.
