Saýl Alvares Golovkındi nokaýtqa jiberýge ýáde etti

ASTANA. QazAqaparat - Meksıkalyq boksshy Saýl Alvares (49-1-2, 34 KO) qazaqstandyq Gennadıı Golovkınmen (37-0-1, 33 KO) revanshy  kezekti ret Las-Vegastaǵy T-Mobile Arena-da ótetinine qatysty pikir bildirdi, dep habarlaıdy QazAqparat Sports.kz saıtyna silteme jasap.

«GGG-men tarıhı revanshta kezdesý úshin T-Mobile Arena-ǵa tórtinshi ret oralýǵa qýanyshtymyn. Boks álemine esigin aıqara asha otyryp, bul meniń súıikti arenama aınaldy. Aıqas osy jerden bastaldy jáne osy jerde men ony aıaqtaımyn: menen jankúıerlerim kútkendi isteımin - ony nokaýtqa jiberemin!», - dep keltiredi «Kanelonyń» sózderin BoxingInsider.com.

Eske salaıyq, WBC, WBA, IBF nusqalary boıynsha orta salmaqtaǵy álem chempıony Gennadıı Golovkın men eks-chempıon Saýl Alvares qarymta jekpe-jekterin bıyl 5 mamyrda ótkizedi.

2017 jyldyń 16 qyrkúıegi kúni ótken qos boksshynyń alǵashqy kezdesýi tóreshilerdiń sheshimimen teń aıaqtaldy. Sol ýaqyttan bastap GGG men «Kanelonyń» komandalary revansh týraly kelissózderge kiristi.

Kútilip otyrǵandaı, ekinshi aıqastyń jeńimpazy WBO nusqasy boıynsha Bıllı Djo Sonderspen kezdesip, orta salmaqtaǵy absolıýtti chempıon ataǵyn ıelený múmkindigin alady.