Saýl Alvares Gennadıı Golovkınmen jekpe-jekke shyǵýǵa daıyn ekenin málimdedi
ASTANA. QazAqparat - Meksıka boksshysy Saýl «Kanelo» Alvares Gennadıı Golovkınmen jekpe-jekke shyǵýǵa daıyn ekenin málimdedi, dep jazady GGG-diń VKontakte áleýmettik jelisindegi tobynyń paraqshasynan.
«Tyńdańyzdar, men oǵan daıynmyn, biraq qazir Kottomen jekpe-jekke shyǵýǵa daıyndalyp júrmin. Kez kelgenmen judyryqtasýǵa daıynmyn. Men eshkimnen qashpaımyn. Biraq men salmaqtaǵy basymdyqty bermeımin. Maǵan sabaq boldy. Floıdtan jeńilip qalǵannan keıin uǵynǵanym - salmaqtaǵy basymdyqty bermeý. Ne joǵary emes, ne tómen emes. Sondyqtan ol menimen judyryqtasqysy kelse, 155 fýntqa deıin tómendesin, sonda men onymen ózi qalaǵan kez kelgen kúni aıqasamyn.
Qazirgi kezde meniń denem 160 fýntqa ázirge daıyn emes. Múmkin bir nemese eki jyldan keıin 160 fýnt salmaqta shyǵatyn bolarmyn. Ony bilmeımin.
Biraq men Gena sııaqty boksshymen qýana bokstasamyn. Ol - tamasha boksshy, meniń oıymsha bul jekpe-jek tamasha ótedi. Men onymen jekpe-jekti qýana ótkizer edim», - dep aıtty «Kanelo» FightHype.com.-ǵa.
