Sáýirdiń sońyna deıin Almatyǵa 400 myńǵa jýyq doza vaktsına jetkiziledi
ALMATY. QazAqparat - Sáýir aıynda Almatyǵa shamamen 400 myń doza vaktsınalar jetkiziledi dep kútilýde. Mundaı derekterdi Almaty qalalyq qoǵamdyq densaýlyq saqtaý basqarmasynyń bastyǵy Narıman Tabynbaev keltirdi, dep habarlaıdy QazAqparat tilshisi.
«Almatyda vaktsınatsııa bastalǵaly 68650 vaktsına keldi. Ekpeni 49160 adam saldyrdy. Qazir qalada 19 490 vaktsına bar. Bizge 13 sáýirge deıin 69 myń vaktsına kelý kerek. Aıdyń soǵyna deıin taǵy 300 myńnan astam vaktsına alý josparlanyp otyr. Bul san áli naqtylanatyn bolady, qazir arnaıy shtab quryldy. Bul dozalardyń barlyǵy vaktsınatsııa pýnktterine taratylady», - dedi Narıman Tabynbaev OKQ ótken brıfıngte.
Buǵan deıin, Almatyda koronavırýsqa qarsy vaktsına saldyrýdyń algorıtmi túsindirilgen bolatyn.
