Sáýirdiń sońǵy kúnderi aýa raıy qandaı bolady
NUR-SULTAN. QazAqparat - Qazgıdromet mamandary 28-30 sáýir aralyǵynda aýa raıy qandaı bolatynyn aıtty, dep habarlaıdy QazAqparat.
Aldaǵy kúnderi Qazaqstanda qubylmaly aýa raıy saqtalady. Belsendi fronttardyń áserinen jańbyr, keı jerlerde qatty jańbyr jaýady.
Keı jerlerde naızaǵaı jarqyldap, tuman túsedi. Ekpindi jel turyp, burshaq jaýýy múmkin.
Respýblıkanyń ońtústik jáne ońtústik-shyǵysynda jańbyrǵa baılanysty ystyq báseńdeıdi.
Tsıklonnyń artynan Qara teńiz aýdandarynan antıtsıklon yǵysady. Saldarynan jaýyn-shashyn birte-birte toqtaıdy, sosyn aýa temperatýrasy azdap tómendeıdi.
